Ажлаа чин сэтгэлээсээ хийдэг цэвэрлэгчийг амьдрал шагнажээ

70fc0bca-056e-11e8-82e3-6b95ccc67ee3_1280x720_162016.jpg Ажлаа чин сэтгэлээсээ хийдэг цэвэрлэгчийг амьдрал шагнажээ

Заримдаа амжилтад хүрэхийн тулд хөлс урсган, шаргуу зүтгэхээс илүү ажлаа чин сэтгэлээсээ хийх нь чухал байдаг ажээ. Үүний жишээг Хятадын Гуандун мужийн Шенжень хотын нэгэн цэвэрлэгчийн түүх харуулав. 23 настай Менг Фей нь дунд сургуулиа ч төгсөж чадаагүй бөгөөд 2013 оноос хойш спорт танхимд сайн дураар цэвэрлэгч хийж байна. Энэ хичээнгүй залуугийн бичлэг интернэтэд тавигдсанаас хойш олны анхаарлыг татаж, Бээжин дэх технологийн компани жилийн 200 мянган юань буюу 31500 долларын цалинтай менежерийн туслахын ажилд урьжээ. Тэрээр “Миний амьдрал одоо л тэгширч байна. Хүн бүр намайг таньдаг болсон. Ийм сайхан боломж гарч ирээсэй гэж үргэлж мөрөөддөг байлаа” хэмээн ярьжээ.

Сагсан бөмбөгийн талбайг хуурай цэвэр байлгаж, тамирчдыг бэртэж, гэмтэхээс сэргийлэх нь түүний үүрэг юм. Тиймээс ч, талбайд нэг л тоглогч унаж, бүдэрвэл алчуураа барин гүйж, шалаа мөлхөн арчих ажээ. Менг Фей энэ ажлаа огт түүртэлгүй хийдэг бөгөөд булчингаа чангалах биеийн тамирын дасгал болдог төдийгүй лигийн тамирчдыг ойроос халах боломж хэмээн ярив. Энэ сард CBA-н бүх оддын тоглолтын үеэр Мей ихэд хичээн өглөө бүр 10 км гүйж бэлтгэл хийсэн гэнэ. Түүний мөрөөдөл бол NBA-н талбайг цэвэрлэх ажээ.

Эх сурвалж: “South China Morning Post”

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ