Нөхөр, охиноо буцаан амьдруулахаар цогцсыг нь хадгалж байжээ

placeholdernewspapers.jpg Нөхөр, охиноо буцаан амьдруулахаар цогцсыг нь хадгалж байжээ

Индонезийн цагдаа нар 77 настай Нененг Хатиджа эмээг нас барагсдад хүндэтгэлгүй хандсан хэрэгт холбогдуулан шалгаж байна. Хатиджа эмээ хоёр жилийн өмнө өөд болсон 50 настай охин, өнгөрсөн 12-р сард нас барсан 85 настай нөхрийнхөө цогцсыг гэртээ, унтлагын орон дээрээ цагаан даавуугаар бүтээн хадгалж байсан нь илэрчээ.

Тэрээр нийслэл Жакарта хотоос 3 цагийн зайтай орших Чимахи дүүрэгт ганцаараа амьдардаг тул энэ үйлдлээ удаан хугацаанд нууж чадсан байна. Нэг удаа айлуудад үзлэг хийж явсан эмнэлгийн ажилтан Хатиджа эмээгийн гэрээс сонин үнэр гарахыг анзаарчээ. Хатиджа эмнэлгийн ажилтныг гэртээ оруулахгүй хэмээн ихэд дургүйцсэн нь бүр ч сэжигтэй санагдаж, цагдаа нарт мэдэгдсэн байна. Цагдаа нарыг ирэхэд цогцоснуудын ойролцоо нунтаг кофе цацсан байсан бөгөөд 10 гаруй үнэр дарагчны шил олджээ.

Бүх хэрэг нэгэнт тодорхой болж, эмээ ч хэргээ хүлээж, “Нас барсан хүнийг сайн арчилбал исгэрэх чимээ сонсогдож, буцаад амьдардаг” хэмээн ярьсан байна. Тэрээр хайртай хүмүүсээ өвчнөөр алдсандаа ихэд харамсан гашуудаж, буцаж амилна гэдэгт өнөөг хүртэл итгэсээр байгаа учир оршуулж зүрхлээгүй ажээ.

Индонезийн нийгэмд хар домын эмчилгээ, мухар сүсэгт итгэдэг хүмүүс өнөөг хүртэл байдаг гэнэ. 

 Б.Мөнхтуяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ