МОРЬТОЙ ИРГЭД СҮХБААТАРЫН ТАЛБАЙГ ТОЙРЧ ХҮСЭЛТЭЭ ИЛЭРХИЙЛЛЭЭ

p1c50hv3da1lll2sfntfdt11oq73.JPG МОРЬТОЙ ИРГЭД СҮХБААТАРЫН ТАЛБАЙГ ТОЙРЧ ХҮСЭЛТЭЭ ИЛЭРХИЙЛЛЭЭ

Сүхбаатарын талбайд морьтой иргэд  Ерөнхийлөгчид санал хүсэлтээ өгөхөөр ирсэн байна. Зургийн багш Ө.Өнөрчимэг Эмээлтээс хоёр  хоног морьтой явж ирлээ хэмээн саатуулсан цагдаа нарт тайлбарлав. Тэрбээр "Ард түмний амьдрал туйлын хэцүү байна. Улс төрийн амьдрал завхарч гүйцлээ. Бид Ерөнхийлөгчийн засаглалтай болохыг хүсэж байгаагаа уламжлахаар ирсэн. Энэ 76 гишүүн янз бүрийн аргаар хүмүүсийн тархийг угааж байна. Эмх замбараагаа алдлаа. Төрийн сүлдээ өөрчлөе, Их цаазат хуулиа сэргээе, Төмөр замын логог өөрчлөе гэсэн уриатайгаар бид монгол морио унаад, төв талбайд ирлээ. Төмөр замын бэлгэдэл хос хоёр загал морь байхгүй болсон. Төрийн сүлдэн дэх морийг эзэнгүй, хувхай далайд явж байгаа морь гэж хүн бүр шүүмжилж эхэллээ. Бэлгэдэл бол  агуу зүйл. Адуугаа олноор нь гадагш гаргаж байна. Төр засгийн бүтэц, тогтолцоог өөрчилмөөр байна. Бид адуугаа дээдэлдэг ард түмний нэг хэсэг. Эмээлтээс хотын төв рүү хоёр хоног явж ирлээ. Одоо ерөнхийлөгчид гар бичмэлээ өгөх хүсэлтэй байна” гэв.

Ж.Батсайхан

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ