ШТС-ууд АИ92 бензинээ 1890 төгрөг болгожээ

fe6bd5620f0af1d5d1b96a19cd48b16b.jpg ШТС-ууд АИ92 бензинээ 1890 төгрөг болгожээ

Өчигдөрөөс эхлэн ШТС-д бензин дууссан эсвэл засвартай гэх шалтгаанаа үйл ажиллагаагаа түр зогсоон мөн Петровис зэрэг компаниуд АИ92 бензин тасарсан АИ95 1900 төгрөгөөр борлуулж байна гэх мэдээлэл тарсан билээ.

Тэгвэл өнгөрсөн оройноос эхлэн Петровис зэрэг компаниуд АИ92 бензиний үнээ 1890 төгрөг болгосон байна. Харин МТ компанийн зарим ШТС-ууд бензин борлуулахгүй байв.  Сод Монгол компани болон Тэс петролиум компаниуд хөнгөлөлтийн картаа олгож байгаа аж. Энэ мэтээр газар бүр өөр өөр үнийн дүнтэйгээс гадна зарим нь борлуулалт хийхгүй байна.

Амралтын өдрөөр энэ мэтээр үнэ нэмж байгаа нь өнгөрсөн жилийн 100 төгрөгийн нэмэгдсэн үйл явдалтай адилхан өрнөл тохиож байна. Өнгөрсөн оны хоёрдугаар сард мөн л амралтын өдрөөр АИ92 бензиний үнийг литр тутамд 100 төгрөгөөр нэмэгдүүлэн 1610 болгож байсан билээ. Үүний дараа холбогдох албаныхан шалгалт хяналт тавьж байгаа, шалгалтын дүнг удахгүй танилцуулна гэж ярисаар жилийн нүүр үзэж, өнөөх шатахуун импортлогч компаниуд нь ч үнээ буулгалгүй өдийг хүрч 1610 төгрөгөөр дараа нь 1630 төгрөгөөр шатахуун борлуулсаар ирсэн.

Энэ удаад мөн л амралтын өдрөөр үнэ нэмсэн нь хардлага төрүүлэх явдал. Ажлын өдөр эхлээд холбогдох албанаас мөн л шалгана гэсэн тайлбараа өгөөд үнийн өсөлтийн шуугианыг намжаах болов уу. 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ