Нэг сэтгэлээр ДАШТ-ий мөнгөн медальт Б.Оюунсүрэндээ тусалцгаая

15141118455a3f8365526c2.jpg Нэг сэтгэлээр ДАШТ-ий мөнгөн медальт Б.Оюунсүрэндээ тусалцгаая

ЧӨЛӨӨТ бөхийн үндэсний шигшээ багийн тамирчин явсан 2011 оны дэлхийн аварга шалгаруулах тэмцээнээс мөнгөн медаль хүртэж тухайн жилийн MONGOLIA open ТЭМЦЭЭНД хэлж ирдэггүй бэртэлийн улмаас их спортоос харамсалтай зодог тайлж дасгалжуулагчийн албанд шилжсэн олон улсын хэмжээний мастер Б.ОЮУНСҮРЭН дараах оношоор солонгос улсад хагалгаа хийлгэх шаардлагатай болжээ.

Дасгалжуулагч хийж байх хугацаанд мэх техник, дасгал хөдөлгөөн зааж сургах явцдаа бэртэл авсан мөрөө олон дахин хөндөн мулталж байсны учир мөрний бэртэл хүндэрч, хөдөлгөөн хийх бүрт маш их янгинан өвдөх, гараа атгаж чадахгүй болох зэрэг хүндрэлийн улмаас цаашид дасгалжуулагчаар ажиллах боломжгүй болсон тул 2017 оны 11 дүгээр сард БНСУ-ын “Мёнжу” Их сургуулийн эмнэлэг болон “The Naeun” эмнэлэгүүдэд нарийн шинжилгээ хийлгэн оношоо тогтоожээ.

Шинжилгээний хариу: Урт хугацааны турш маш олон удаа мулталж гаргасанаас мөрний бугалаганы яс элэгдэн ясанд үрэвсэл үүсч эхэлсэн тул яаралтай хагалгаа хийлгэх шаардлагатай болжээ.

Энэхүү мэс ажилбарт нэн даруй орохгүй бол ясны идээт үрэвсэл нь цус үжих эмгэг буюу цусны Сепсис үүсч, амь насанд аюул учраад байгаа юм. ЧӨЛӨӨТ БӨХИЙН СПОРТОД СЭТГЭЛ ЗҮРХЭЭ ЗОРИУЛСАН ТА БҮХНЭЭС ХАГАЛГААНЫ ЗАРДАЛ БОЛОХ 65САЯ төгрөгөнд сэтгэлийн хандив өргөхийг хичээнгүйлэн хүсч байна.

ТЭРЭЭР 2006 оны 10 сараас МУГД Т.Сүхбаатар багшийн удирдлага дор чөлөөт бөхийн спортоор хичээллэж дараах амжилтуудыг үзүүлсэн. 
• Насанд хүрэгчдын дэлхийн аварга шалгаруулах тэмцээнээс Мөнгөн медаль /Турк, Стамбул 2011 он/ 
• Оюутны Дэлхийн аварга шалгаруулах тэмцээнээс Хүрэл медаль / Итали, Турин 2010 он/ 
• Насанд хүрэгчдын Ази тивийн аварга шалгаруулах тэмцээнээс Мөнгөн медаль / Энэтхэг , шинэ Дели 2010 он / 
• Иван Ярыгины Алтан грампри олон улсын тэмцээнээс Хүрэл медал / ОХУ,Красноярск 2010 он /
• Клиппиан хатагтай Гранппри олон улсын тэмцээнээс Хүрэл медаль / Швед, Клиппиан 2011/ 
• Буриадын Ерөнхийлөгчийн цом олон улсын тэмцээнээс Мөнгөн медаль / ОХУ, Улан-үдэ 2011/ 
• “Mongolian open” олон улсын тэмцээнээс Хошой Мөнгөн медаль / Монгол , Улаанбаатар 2011, 2012 он /
• Монгол Улсын Ерөнхийлөгчийн цом олон улсын тэмцээнээс хүрэл медаль / Монгол, Улаанбаатар 2009 он /
• Насанд хүрэгчдын Улсын аварга шалгаруулах тэмцээнээс Алтан медаль / Монгол, Дархан 2010 он / 
• Насанд хүрэгчдын анхдугаар сонгон шалгаруулах тэмцээнээс Алтан медаль / 2010 он 
• Насанд хүрэгчдын Улсын аварга шалгаруулах тэмцээнээс хүрэл медаль / 2009 он /
• Монголын бүх ард түмний 12 дугаар их наадам Мөнгөн медаль / 2008 он / 
• Оюутны Улсын аварга шалгаруулах тэмцээнээс Алт, Мөнгө , Хүрэл медаль / 2008, 2009, 2010 он / 
• Залуучуудын Улсын аварга шалгаруулах тэмцээнээс 3н хүрэл медаль / 2007 , 2008, 2009 он/
• Хүүхдийн их наадам хүрэл медаль 2007 онд тус тус хүртсэн
Дээрх амжилтуудыг гаргаснаар 2008 онд спортын мастер, 2010 онд олон улсын хэмжээний мастер цол хүртсэн. 2010 онд спортын тэргүүний ажилтан, 
2011 онд Монголын үндэсний олимпийн хорооны “Алтан од”, 2011 онд Эрдэнэт Үйлдвэрийн хөдөлмөрийн гавъяа цол тэмдэг , 2013 онд төрийн дээд Алтан гадас одонгоор тус тус шагнагдаж байсан удаатай. 
ЧӨЛӨӨТ бөхийн спортоор амжилт гаргаж тив дэлхийн аваргуудыг бэлтгэн яваа Б.ОЮУНСҮРЭНДЭЭ сэтгэлийн хандив өргөж хүнд өвчнөөс эдгэрэх боломж олгоцгооё.,
ХАНДИВЫН ДАНС

ХААН банк: 5027815270
ТӨРИЙН БАНК 108801412849 Б.ОЮУНСҮРЭН

 

Түүний найз МУГТ, дэлхийн аварга шалгаруулах тэмцээний гурван хүрэл медальт Очирбатын Насанбурмаа: "Би найзтайгаа 2006с эхлэн чөлөөт бөхийн спортоор хичээллэж эхэлсэн цагаасаа л найзлаж эхэлсэн. Дөнгөж саяхан л 2011онд 2уулаа ДАШТ-с Медаль аваад МУГТ Т.Сүхбаатар багшийн 2 шавь нэг Дэлхийн аваргаас хос медаль авлаа.. удахгүй 2уулаа очоод Гавьяат болно, Өөрсдийн гэсэн байртай машинтай болно гээд Москвагаас-Улаанбаатар нисэх 6 цаг догдлоод л унтахгүй ярилцаад л явж байлаа.."дөнгөж саяхан шдээ" цаг хугацаа гэдэг үнэхээр хурдан юмаа.. "Спорт гэдэг үнэхээр хатуу" бас залуу насных.. Би найзыгаа эрүүл саруул болоосой гэж хүсч байна. Спортод хайртай монголчууд элэг нэгт ах дүү та бүхэн минь миний найзад туслаарай." хэмээн өөрийн цахим хуудсандаа бичжээ.

Монгол улсын Гавъяат дасгалжуулагч Т.Сүхбаатар

Монгол улсын Гавъяат дасгалжуулагч Ц.Хосбаяр болон "Алдар"-ын тамирчид

Монгол Улсын гавъяат дасгалжуулагч , Монголын чөлөөт бөхийн холбооны нарийн бичгийн дарга Б.Батбаяр

Дэлхийн хошой аварга Соронзонболдын Батцэцэг МУГТ, Хөдөлмөрийн баатар

Дэлхийн аварга Сүхээгийн Цэрэнчимэд МУГТ

Дэлхийн аварга Пүрэвдоржийн Орхон МУГТ

Дэлхийн АШТ-ий анхны медальт Цогтбазарын Энхжаргал МУГТ
Дэлхийн аваргын мөнгө, хүрэл медальт Даваасүхийн Отгонцэцэг МУГТ
Дэлхийн аваргын мөнгөн медальт Эрдэнэчимэгийн Сумъяа

Дэлхийн аваргын хүрэл медальт Бадрахын Одончимэг

Дэлхийн аваргын гурван хүрэл медальт Очирбатын Насанбурмаа МУГТ

Дэлхийн аваргын хошой хүрэл медальт Эрдэнэбатын Бэхбаяр МУГТ

Дэлхийн аваргын гурван хүрэл медальт МУГТ Г.Мандахнаран

Дэлхийн аваргын хүрэл медальт МУГТ Э.Ням-очир

Дэлхийн аваргын мөнгөн медальт МУГТ П.Өнөрбат

Дэлхийн аваргын мөнгөн медальт МУГТ Б.Номин

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ