Ардын багш, гавьяат дасгалжуулагч Д.Банди бурхны оронд оджээ

bandi_bagsh.jpg Ардын багш, гавьяат дасгалжуулагч Д.Банди бурхны оронд оджээ

Дасгалжуулагч Д.Банди нь Булган аймгийн Тэшиг суманд төрж өссөн бөгөөд 1960-аад онд Монгол Улсын их сургуулийн математикийн ангид суралцаж байхдаа боксоор хичээллэж эхлэн, 1970 онд сургуулиа төгсөхдөө боксын шигшээ багт тамирчнаар орж байжээ. 1970-1976 онд тив дэлхийн олон тэмцээн, хоёр ч олимпийн наадамд оролцсон байна. 

Тамирчин ахуй үедээ дасгалжуулагч болсон түүхтэй тэрбээр Монголын боксын шигшээ багийг удирдаж, Бээжин-2008 олимпийн наадмаас алт, мөнгөн медальтан төрүүлж, түүхэнд байгаагүй өндөр амжилтыг үзүүлж байсан билээ.

Монголын боксын холбооны ерөнхий дасгалжуулагчаар ажиллаж байсан бөгөөд Э.Бадар-Ууган, У.Мөнх-Эрдэнэ, Н.Төгсцогт, П.Сэрдамба зэрэг Монголын бахархал болсон хөдөлмөрийн баатар, гавьяат тамирчид, Олон улсын хэмжээний мастерууд,  спортын мастеруудыг төрүүлж байсан гавьяатай билээ.

Түүнчлэн тэрбээр боксын түүхэн замналын тухай “Энэ л миний амьдрал”, “Энэ л миний ертөнц” номуудыг туурвиж байжээ.

Гэр бүл, найз нөхөд, хамт олон, ойр дотныхонд нь гүн эмгэнэл илэрхийлье.

Бурхны орондоо тайван нойрс доо

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ