Харүмафүжи ирэх сард зодог тайлна

220237-09012018-1515468033-769582518-hara.jpg Харүмафүжи ирэх сард зодог тайлна

Тоттори хотын шүүхээс аваргад 500 мянган иений торгууль хүлээлгэхээр болжээ. Энэ торгууль нь манай төгрөгөөр бол 10.7 сая юм. Анх Харүмафүжид зодуулж эрүүл мэндийн хувьд хохирсон гэж Таканоива А.Баасандоржийн дэвжээний багш Таканохана оякатагийн гомдол нэлээд сүртэй байсан ч шүүх хэлэлцээд ийнхүү тун гайгүй шийдвэр гаргасан байна. Ингэснээр сүмогийн ертөнцийг доргиосон нэгэн үйл явдал төгсөхөөр болжээ.

Сүмогийн мэргэжилтн үүдийн ярьж байгаагаар Харүмафүжи гэмт явдлаа ухамсарлан буруугаа хүлээж эртлэн зодог тайлахаа мэдэгдсэн нь ийм шийд гарахад нөлөөлсөн юм байх. Бас сүмогийн холбоо ч давхар шийтгэл ногдуулахгүй гэдгээ урьд нь зарласан байсан. Бас сүүлийн үед шүүх хурал дөхсөн үеийн мэдээлэлд Харүмафүжи А.Баасандоржийг пивоны шилээр биш караокены удирдлагаар зодсон гэж бичигдэх болсон нь бас зөөлрөлд нөлөөлсөн байж болох.

Сүмогийн холбоо Харүмафүжиг зодог тайлахад авах мөнгийг нь тодорхой хэмжээгээр хасч олгоно гэсэн бий. Мөн Харүмафүжигийн багш ояката Исэгахама өөрийн хүсэлтээр Сүмогийн холбооны захирлуудын зөвлөлөөс огцорсон. Их аварга Хакүхо, ёкозүна Какирюү нарын хувьд уг хэрэг гарах үед үүргээ биелүүлээгүйн улмаас цалинг нь хасах шийтгэлүүд цувран гарсан байдаг юм. Таканоханад ямар шийтгэл оноохов гэдэг асуулт одоогоор хариултгүй байна. Нэгдүгээр сарын тэмцээний дараа буюу ирэх сард Харүмафүжигийн зодог тайлах ёслол болно.

Б.Өлзий

Эх сурвалж: "Зууны мэдээ" сонин

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ