Боксын тулааныг Facebook-ээрээ шууд дамжуулсан гээд 115 мянган ам. доллар нэхэмжилжээ

220159-08012018-1515374955-531915970-box_live_cover.jpg Боксын тулааныг Facebook-ээрээ шууд дамжуулсан гээд 115 мянган ам. доллар нэхэмжилжээ

Тэрээр өнгөрсөн дөрөвдүгээр сард Энтони Жошуа, Владимир Кличко нарын тулааныг үзэхээр 19,95 фунтийн төлбөр төлж, найзуудтайгаа хамт тулааныг үзсэн аж.

Харин согтуу найзуудынх нь нэг нь Крейгийн iPad-ийг ашиглан, тулааны бичлэгийг шууд дамжуулснаар асуудал үүсжээ. Тулааны шууд дамжуулалтыг 4250 гаруй хүн нэгэн зэрэг үзэж байсан бөгөөд Sky кабелийн компани Крейгийн үзэх эрхийг нь цуцлаад зогсохгүй, 115 мянган ам. доллар нэхэмжилсэн байна.

Тэрээр Mirror сонинд өгсөн ярилцлагадаа “Би боксын тулааныг үзэх гэж мөнгөө төлсөн. Тэгээд ч мөнгө олох зорилгоор бичлэгийг шууд дамжуулаагүй бөгөөд манай найз л миний Facebook хаягаар шууд дамжуулсан” гэжээ.

Кабелийн компани энэ хэргийн дараа түүнийг 5000 фунт стерлинг төлөөд хэргийг шүүхэд шилжүүлэхгүйгээр шийдвэрлэх, эсвэл шүүхээр хэргээ таслуулж, нэхэмжилсэн мөнгийг төлөх гэсэн хоёр сонголтын нэгийг сонго гэсэн аж.

Тухайн үед сандарсандаа нэхсэн төлбөрийг нь шилжүүлсэн Крейг одоо шүүхэд гомдол гаргахаар төлөвлөж байгаа юм байна. Тэрээр “Мэдээж хэрэг тулааныг шууд дамжуулсан нь, шууд дамжуулж байхад нь найзыгаа болиулаагүй зэрэг нь миний буруу. Гэхдээ бид бүгд согтуу байсан бөгөөд үүнийхээ төлөө ч уучлалт гуйсан” гэжээ.

Харин өмгөөлөгч Нейл Паркес "Ноён Фостер хууль зөрчсөн. Үүнийгээ ч хүлээн зөвшөөрч, уучлалт гуйгаад Sky компанид 5000 фунт стерлинг төлөхийг зөвшөөрч гарын үсгээ зурсан" гэсэн тайлбар өгсөн байна.

Нэгэнт бусдын төлбөртэй контентыг шууд дамжуулсан учраас шүүх түүний хэргийг хэрэгсэхгүй болгож, нөхөн төлбөрийг хэвээр үлдээх магадлал өндөр аж.

Д.Багахүү

Эх сурвалж: GoGo.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ