“Эрхээ Идэвхжүүлье: Залуучуудын Оролцоо” уриан дор төвийн бүсийн залуус чууллаа

016a6c96-49c6-4e2a-a084-e9f54826d721.jpg “Эрхээ Идэвхжүүлье: Залуучуудын Оролцоо” уриан дор төвийн бүсийн залуус чууллаа

Чуулганы эхний өдөр МЗХ-ны Ерөнхийлөгчийн онол бодлогын зөвлөх, “Их Монгол Язгууртан” ТББ-ын Удирдах зөвлөлийн дарга Ө.Баяраа “Монгол Залуу Хүний Оролцоо”, “Бизнес Нэгдлийн дээд зөвлөл”-ийн тэргүүн А.Лхагвасүндэв “Иргэний оролцоо” сэдвээр илтгэл тавьж, хэлэлцүүлэг өрнүүлсэн.

Чуулганы дараагийн өдөр “Залуучуудын оролцоо, хөгжил”, “Эмэгтэйчүүдийн оролцоо, манлайлал” гэсэн хоёр үндсэн сэдвийн хүрээнд болсон юм. МЗХ-ны дэргэдэх залуучуудын хөгжлийн Полиси төвийн гүйцэтгэх захирал, Нийгмийн удирдлагын докторант Б.Цэвэлмаа “Залуучуудын оролцоо, хөгжил” сэдвээр илтгэл тавьж, багаар ажиллуулж, хэлэлцүүлэг өрнүүлсэн. Мөн Жэндэрийн үндэсний шинжээч Ж.Занаа “Залуу эмэгтэйчүүдэд зориулсан эмэгтэйчүүдийн эрх, манлайлал, шийдвэр гаргах төвшинд эмэгтэйчүүдийн оролцоог нэмэгдүүлэх” сэдвээр илтгэл тавьж, хэлэлцүүлэг өрнүүлэн, практик сургалтыг явуулсан.

Мөн Засгийн Газрын хэрэгжүүлэгч агентлаг Гэр бүл, Хүүхэд, Залуучуудын Хөгжлийн газрын  Залуучуудын хөгжлийн газрын дарга Г.Батдорж “Хувь хүний хөгжил” сэдвээр, Залуучуудын хөгжлийн бодлого, үндэсний хөтөлбөрийн хэрэгжилт хариуцсан ахлах  мэргэжилтэн Н.Мандуул “Залуучуудын Хөгжлийг Дэмжих тухай” хуулийн талаар мэдээлэл өгсөн юм.

Төвийн бүсийн залуус сургалт, хэлэлцүүлэгт оролцохоос гадна хоорондоо караоке тэмцээн, АХА, спортын тэмцээнүүдээр өрсөлдсөн юм. Мөн тэд цаашид хамтран хийж хэрэгжүүлэх ажил, төсөл хөтөлбөр, арга хэмжээнүүдийн талаар ярилцаж, санал бодлоо солилцсон. 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ