Хятадын хил дээр хоёр Монгол залуу хар тамхины хэргээр баривчлагджээ

p1bia3mhti1d0dojs1klhc9eq831.jpg Хятадын хил дээр хоёр Монгол залуу хар тамхины хэргээр баривчлагджээ

Залуучуудыг Эрээн хотын цагдаагийн газраас баривчлан авч явсан байна. Монгол иргэдээс хар тамхи, мансууруулах төрлийн бодис илэрсэнтэй холбоотойгоор Эрээний хилээр Монгол руу зорчих иргэдийн хяналт шалгалтыг чангатгажээ. Иргэн Б-ийн мэдэгдсэнээр “Хилээр шалган нэвтрүүлэх ажил удааширч, дараалал үүссэн. Энэ нь манай улсын хоёр иргэнээс мансууруулах төрлийн бодис илэрсэнтэй холбоотойгоор хатуу шалгалт хийж байгаа юм байна” гэлээ.

Энэ асуудлаар Гадаад харилцааны яамны харьяа Консулын газрын дэд захирал Л.Мөнхтүшигээс тодруулахад “Энэ амралтын өдрүүдэд ийм мэдээлэл албан ёсоор ирээгүй. Монгол иргэд янз бүрийн байдлаар хилийн чанадад саатуулагдсан, баривчлагдсан тохиолдолд бүх албан ёсны мэдээллийг тухайн улсын цагдаагийн байгууллагаас тэр хотод суугаа манай Элчин сайдын яам, Консуулын газарт мэдэгдэх үүрэгтэй байдаг. Мэдэгдсэн дариуд нь манайд мэдээлэл ирүүлдэг. Амралтын өдөр таараад мэдээлэл ирүүлж амжаагүй байж магадгүй. Одоогоор ийм мэдээлэл ирээгүй байна” гэлээ.  Дээрх хэргийн талаар манай талд ямар нэгэн мэдээлэл ирээгүй байна.

Эх сурвалж: Zindaa.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ