Аравдугаар сарын байдлаар 132 орны 3773 иргэнд виз олгожээ

136341.jpg Аравдугаар сарын байдлаар 132 орны 3773 иргэнд виз олгожээ

Буянт-Ухаа дахь газарт үйл ажиллагаа явуулж буй Хууль, хяналтын байгууллагуудын хамтарсан “Нээлттэй хаалганы өдөрлөг” өнөөдөр “Чингис хаан” олон улсын нисэх буудал боллоо. Тус өдөрлөгт Гадаадын иргэн, харьяатын газрын Буянт-Ухаа дахь газар оролцсон бөгөөд энэ үеэр байгууллагын болоод боомтын өдөр тутмын үйл ажиллагаа, хэрэгжүүлж буй чиг үүрэг, иргэдэд хүргэж буй төрийн үйлчилгээг олон нийтэд нээлттэй танилцуулсан юм.

Түүнчлэн цаашид хэрэгжүүлэх үйл ажиллагаа, иргэдэд хүрч буй үйлчилгээний хүртээмжийг сайжруулах зорилгоор тус өдөрлөгт оролцсон иргэд, үйлчлүүлэгчдээс санал асуулга авч, үйл ажиллагаагаа дүгнэхээр болсон байна. Гадаадын иргэн, харьяатын газрын Буянт-Ухаа дахь газар нь Монгол Улсын хил дээр виз олгох, бүртгэл хасалт хийх, зөрчил гаргасан этгээдэд захиргааны арга хэмжээ авах гэсэн үндсэн чиг үүрэгтэйгээр ажиллаж байна. Тус газар 2016 онд 3902 визийг Буянт-Ухаа олон улсын боомт дээр олгосон бол энэ оны аравдугаар сарын байдлаар 132 орны 3773 иргэнд виз олгожээ.

Б.ЦЭЛМЭГ

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ