Монголын төр нөхөн төлбөргүйгээс Баян тал ордыг “Kincora Copper”-т буцаан өгчээ

2222222222222222222222.jpg Монголын төр нөхөн төлбөргүйгээс Баян тал ордыг “Kincora Copper”-т буцаан өгчээ

Монголд тусгай зөвшөөрлөөр хайгуул хийх газрууд нь 15 мянган км талбай хамарч буй бөгөөд “High Power Exploration” компанитай хийсэн хэлцлийнхээ дүнд манай улс дахь охин компаниудаа энэ онд нэгтгэсэн байна. Ингэснээр тус компани нийт 12 тусгай зөвшөөрөл эзэмших боломжтой болжээ. Энэ нь манайдаа хамгийн олон тусгай зөвшөөрөл эзэмшигч гадны компаниудын тэргүүн эгнээнд багтаж байгаа. Баян тал орд нь “Оюу Толгой”-н бүслүүрт багтаж байгаа төдийгүй тус ордтой дүйцэхүйц хэмжээний нөөцтэй орд болно хэмээн олборлох эрх бүхий компани мэдэгдсэн.

2013 оны 10 дугаар сарын 30-ны өдөр Ашигт малтмалын газраас гаргасан нэгэн шийдвэр хэрэгжиж эхэлсэн нь Ашигт малтмалын 106 лицензийг хүчингүй болгосон шийдвэр юм. Монгол Улсын нутаг дэвсгэр дээр олгогдсон дээрхи 106 лицензийг эзэмшиж байсан компаниуд 2013 оны эхнээс эзэмшиж буй газар дээрээ хайгуул, олборлолт хийх боломжгүй болсон. Учир нь, тус лицензүүдийг авлига, албан тушаалын хэрэгтэй холбоотойгоор хүчингүй болгож байсан гэдэг.

Тухайн үед хүчингүй болсон 106 лицензийн 31 нь 19 сая ам.долларын ажил хийгээд байсан бөгөөд дахин 36 сая ам.долларын бүтээн байгуулалт хийхээр төлөвлөөд байсан аж. Дээрхи хүчингүй болгосон лицензүүдийн дотор “Kincora Copper”-ын хоёр лиценз багтсан. Үүний дараа Торонтогийн Хөрөнгийн биржид бүртгэлтэй тус компани Монгол дахь хайгуулын салбарын хөрөнгө оруулалтаа бууруулах шийдвэр гаргаж, салбарын хөрөнгө оруулалтаа долоон сая ам.доллараар бууруулж байсан юм.

Хүчингүйд тооцсон лиценз нь “Kincora Copper”-ын охин компани болох “Golden Grouse”-ын мэдэлд байдаг “Цагаан суварга” зэрэг хэд хэдэн ордыг хамарсан, 40 мянган га талбай бүхий хайгуулын лиценз байсан. Тэдгээр лицензийг худалдаж авахын тулд “Kincora Copper” компани 2012 оны дөрөвдүгээр сард таван сая ам.доллар төлсөн бөгөөд хайгуул болон бусад шаардлагатай зардалд 1.9 сая ам.доллар зарцуулсан талаар тус компаниас гаргасан мэдэгдэлдээ дурьдаж байв.

-2008-2009 ОНД 106 ЛИЦЕНЗ ОЛГОСНЫ ДОТОР “KINCORA COPPER”-ЫН ЛИЦЕНЗ БАГТЖЭЭ-

Тус томоохон орд хэрхэн “Kincora Copper”-т очив хэмээн нэхэж үзвэл 2008-2009 онд тухайн үеийн Уул уурхайн яам, Засгийн газар дээрх 106 лицензийг олгож байжээ. Гэсэн ч 2013 онд лицензүүдийг цуцалсан бөгөөд шалтгаан нь эрхээ хаалгуулсан компаниудад нөхөн төлбөр өгч чадахгүй гэсэнтэй холбоотой байв. Иймээс буцааж 106 лицензийн эрхийг сэргээсний дотор “Kincora Copper”-ын лиценз багтсан. Өөрөөр хэлбэл “Оюу Толгой”-той эн зэрэгцэх хэмжээний нөөцтэй гэгдэх “Баян тал” ордын тусгай зөвшөөрөл энэхүү 106 лицензид багтсан байдаг.

Дээрх лицензийн хоёр нь “Kincora Copper” компанийн эзэмшдэг лиценз учраас шинэ хууль, эрх зүйн орчны зохицуулалтын дагуу лицензийн эздийг дахин шалгаруулсан байна. Уг шалгаруулалтад тус компани оролцож, лицензийн эзнээр “Kincora Copper”-ийг дахин шалгаруулжээ. Лицензийн шинэ эзнийг шалгаруулах үйл ажиллагаа өрсөлдөөн ихтэй байсны эцэст “Kincora Copper” компани 12 жилийн хугацаанд лиценз эзэмших эрхтэй болсон.

Гурван шатны шүүхийн шийдвэр гарч, тус компани хоёр лицензээ эргүүлэн авах эрх нь нээгдсэн бөгөөд эл явдлын дараа тус компанийн гүйцэтгэх захирал Sam Spring хэлэхдээ “Эцсийн шийдвэрт баяртай байна. Бидний хувьд энэ орд стратегийн ач холбогдолтой” хэмээн хэлж байсан юм.

Өнөөдөр тус компани Баян тал орд дээр Сэргээн босголт хөгжлийн банк 1.4 сая канад долларын хөрөнгө оруулж, тус компанийн 6.16 хувийг эзэмшихээр болсон байна. “Kincora Copper” компани өнгөрсөн хоёр сарын хугацаанд 68.8 сая ширхэг хувьцаа арилжиж, нийт 5.9 сая канад долларын хөрөнгө босгоод байгаа юм. Эндээс харахад алт, зэсийн өндөр агууламж бүхий Баян тал орд хэдийнэ гадныхны мэдэлд очжээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ