Ж.Батзандан: Багш нарын цалинг нэмэгдүүлэхэд хичээж ажиллана

batzandan1.jpg Ж.Батзандан: Багш нарын цалинг нэмэгдүүлэхэд хичээж ажиллана

УИХ- ын гишүүн Ж.Батзандан өнөөдөр Баянзүрх дүргийн 53 дугаар сургуулийн хичээлийн шинэ жилийн нээлтэд уригдан оролцлоо.

Тус сургуульд 2200 сурагч суралцаж байгаа бөгөөд дийлэнх нь 16-р хороонд харьяалагддаг аж. Мөн батлан хамгаалах салбарт ажиллагсдын үр хүүхдүүд голлон суралцдагаараа онцлогтой юм. Дүүргийнхээ хамгийн томд тооцогддог тус сургуульд 2018 оны намар өргөтгөл хийхээр төлөвлөж буй.

Тэрээр нээлтийн үеэр "Миний бие боловсролын салбар дах хөрөнгө оруулалт болон нэг хүүхдэд ногдох хувьсах зардлыг өсгөх, багш нарын цалинг нэмэгдүүлэх тал дээр хичээж ажиллах болно.
53 дугаар сургууль энэ хичээлийн шинэ жилд найман бүлэгтээ 400 орчим хүүхэд шинээр элсүүлэн авч байна.

Мөн ирэх хавар 200 гаруй ахлах ангийн сурагчдыг амьдралын их замд нь үдэх гэж байна. Энд хуран цуглаад буй хүүхэд багачууд та бүхэн бол Монгол орны ирээдүй. Тиймээс та нарын төлөө залбирч суугаа эмээ, өвөөгийнхөө болон энэ өдөр гараас тань хөтлөөд сургуульд нь хүргэж өгсөн ээж, аавынхаа хүслийг биелүүлэхийн төлөө хичээгээрэй" хэмээн дүү нартаа захилаа.

Эх сурвалж: http://www.bataar.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ