Москвад хүний махаар хиам хийсэн эсэхийг шалгаж байна

хиам.jpg Москвад хүний махаар хиам хийсэн эсэхийг шалгаж байна

ОХУ-ын Эрүүл мэндийн шинжлэх ухааны академийн Нийгмийн эрүүл мэндийн хүрээлэнгийн шинжээчид Москвад төвтэй “Мортадел” компанийн үйлдвэрлэсэн хиамнаас хүний махны ул мөр олжээ. Энэ талаар “Известа” мэдээлсэн байна.

Москва хотын Пушкински дүүрэгт байрлах Нагорнойдын “Мортадел” компани нь бүс нутагтаа гэлтгүй дэлхий нийтэд хиам, хиаман бүтээгдэхүүн үйлдвэрлэлээр нэлээд алдаршсан юм.  

Хэвлэлийнхний мэдээлснээр “Мортадел”-ын үйлдвэрээс авсан хиамны дээжид хүний ДНК буюу мөхлөгт халькератын шинж тэмдэг илэрсэн байна. Улмаар мэргэжилтнүүд илүү боловсронгуй лабораторид хиамны дээжээс илгээжээ. “Известа” сонинд бичсэнээр хиамны үйлдвэрийнхэн энэ талаар тодорхой мэдээлэл өгөөгүй бөгөөд хүнсний технологичид энэ явдлыг “хачирхалтай” хэмээн дүгнэсэн байна.

Мэргэжилтнүүд хүний ДНК-тай урвалд ордог тусгай сорилын систем ашиглан махны бүтээгдэхүүнээс түүхий эдийн орцыг тодорхойлох журмын дагуу хиамны шинжилгээг хийжээ.

Хиамнаас яагаад хүний махтай адил зүйл олдсон шалтгаан одоогоор тодорхой болоогүй ч хоол тэжээлийн институтын мэргэжилтэн “Энэ явдлыг нарийн судлах хэрэгтэй. Зарим тохиолдолд утсан мах ямар ч амьтны махтай төстэй болдог” гэжээ.

Компанийн вэб сайтад дурьдсанаар “Мортадел” нь тус улсад тэргүүлэгч хүнсний хоршооллыг анхлан эхлүүлж байсан үйлдвэрлэгч аж. Тэд 1991 онд Тельлин дэх хамгийн анхны мах, махан бүтээгдэхүүний үйлдвэрлэлийг эхлүүлж байжээ. Энэ цех ОХУ-ын бараг бүх мужид мах нийлүүлэх технологийн эхлэл байсан гэнэ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ