Ц.Элбэгдорж: Би олон нийтийн сүлжээг амьд урсгал гэж хардаг

elbegdorj4.jpg Ц.Элбэгдорж: Би олон нийтийн сүлжээг амьд урсгал гэж хардаг

Монгол Улсын Ерөнхийлөгч асан Ц.Элбэгдорж Ikon.mn сайтын "Өглөөний Хүн" булангийн ээлжит зочин болж,  ярилцлага өгөхдөө "Би олон нийтийн сүлжээг амьд урсгал гэж хардаг." гэж онцолжээ. Тэрээр "Таны хувьд олон нийтийн сүлжээг ямар хэмжээнд хэрэглэж байна вэ?" хэмээх асуултанд "Би олон нийтийн сүлжээг амьд урсгал гэж хардаг. Амьд харилцаа дотор муу, сайн бүх зүйл нь бий. Гэхдээ сайн нь давамгайлдаг.

Яг л усны урсгалтай адилхан. Урсах тусам сайжраад, эрүүлжээд явдаг. Энэ олон нийтийн сүлжээг бохир болгож байгаа хэсэг нь улстөрчдийг гэж боддог. Өөрийнхөө явцуу сонирхлыг хангахын тулд хуурамч мэдээлэл, хуурамч хаягнуудыг ихээр бий болгож байна. 

Энэ зүйлд иргэдийн ихэнх нь автдаг байсан.  Харин одоо ингэж автдаг хэсэг багасаад л байгаа. Энэ нь гайхамшигтай. Тиймээс олон нийтийн сүлжээг чөлөөтэй байлгах хэрэгтэй. Яг төрийн ажил хийж байхад энэ амьд харилцаа маш их хэрэг болно.  Олон нийтийн сүлжээг чөлөөтэй байлгах бас нэг сайн тал нь ерөөсөө Монголчуудын мэдлэг, мэдээлэл авах боломж нь улам нээлттэй байх хэрэгтэй юм. 

Би боддог юм. Монгол хүн аль нэг чадвараараа хүн ам ихтэй улс орны 10, 20 хүнтэй тэнцүү хэмжээнд байх ёстой гэж. Наад зах нь, мэдээлэл боловсруулах чадвараар.  Монгол хүн амын тоогоор тийм их биш байж болно. Харин агуулгын хувьд Монголчууд олон юм шиг л байх ёстой. Энэ боломжийг олон нийтийн сүлжээ олгож байна." гэж хариулсан байна.

Дэлхий даяар одоо үед дээд цэгтээ хүртэл хөгжиж буй  нийтийн сүлжээний ертөнцийг манай улсын дөрөв дэхь ерөнхийлөгч ийнхүү тодорхойлжээ.

Б.Баярмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ