Арабын дөрвөн улсаас Катарт дахин 48 цагийн боломж олголоо

unity.jpg Арабын дөрвөн улсаас Катарт дахин 48 цагийн боломж олголоо

Зүүн гар талаас Катарын Эмир Тамим бин Хамад Ал Тани, Саудын Арабын хунтайж асан Салман, Кувейтын Шейх Сабах нар

Өчигдөр /7-р сарын 03/ Арабын дөрвөн улс орон Кувейтээс тавьсан саналын дагуу Катарт хүргүүлсэн шаардлагынхаа хугацааг 48 цагаар сунгахаар боллоо. Тодруулбал, Катар улсыг алан хядах ажиллагааг санхүүжүүлж байна гэж үзсэн Саудын Араб, Арабын Нэгдсэн Эмират, Бахрейн, Египет зэрэг дөрвөн улс өнгөрсөн зургадугаар сарын 5-наас тус улстай харилцах харилцаагаа эрс чангатгасан юм.

Улмаар зургадугаар сарын 23-нд Аль-Жазира телевизийг хаах, Иран улстай дипломат харилцаагаа цуцлах зэрэг нийт 13 шаардлагыг багтаасан санамж бичгийг Катар улсад хурцадмал байдлыг намжаах нөхцлөөр хүргүүлсэн байна. Ийнхүү тэдгээр шаардлагыг биелүүлэх эцсийн хугацаа өчигдрөөр дуусах учиртай байв.

Гэвч тэдний хоорондын маргаанд зуучлагчийн үүрэг гүйцэтгэж байгаа Кувейтээс тавьсан саналын дагуу шаардлага биелүүлэх нэмэлт хугацааг Катарт олгохоор болжээ. Харин Катар улсын хувьд дээрх шаардлагуудыг ор үндэслэлгүй хэмээн үзэж байгаа юм. Тухайлбал, Катарын Гадаад хэргийн сайд Шейх Мохаммед бин Абдулмаман аль-Тани Турк цэргүүдийг нутгаасаа гаргах зэрэг зарим нэг мугуйд шаардлагыг биелүүлэх боломжгүй гэж мэдэгджээ.

Орчуулсан: С.Нарангарав

Эх сурвалж: Синьхуа агентлаг

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ