Иракийн орон гэргүй хүмүүсийн хотхонд 14 хүн амиа алдлаа

2bf7cf7b4ae23260076f63128a1386c6.jpg Иракийн орон гэргүй хүмүүсийн хотхонд 14 хүн амиа алдлаа

Өчигдөр /7-р сарын 03/ Иракийн Рамади хотын баруун хэсэгт орших орон гэргүй хүмүүст зориулсан хотхонд амиа золиослогч этгээд бөмбөг тэсэлсний улмаас 14 хүн амиа алдаж 19 хүн гэмтэж шархадсан талаар тус хотын дарга Ибрагим аль-Овсаг аюулгүй албаны хоёр ажилтны хамт CCN-д мэдээлжээ. Тэдний хэлснээр амиа алдсан хүмүүсийн дотор дөрвөн хүүхэд, нэг цагдаагийн ахмад байсан гэнэ.

Алан хядагч этгээд Ирак Сирийн хилийн зааг дээр оршдог, өдгөө ч Исламын улс бүлэглэлийн хяналтад байгаа Каим хотоос дүрвэгчийн дүрээр ирсэн нэгэн байжээ. Тэрбээр Рамади хотоос баруун урагш 60 километрт орших Аль-Вафа хотхоны орох хаалганы хяналтын цэгт Иракийн цэргүүдийг дөхөж ирэх үед өөрийн хорт төлөвлөгөөг хэрэгжүүлсэн аж. Халдлагын цаана байсан гэдгээ ИУ бүлэглэлээс албан ёсны хуудсаараа дамжуулан мэдэгдсэн юм.

Орчуулсан: С.Нарангарав

Эх сурвалж: СNN агентлаг

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ