Францад сүмийн гадна халдлага гарсны улмаас найман хүн шархаджээ

_d05cbf54-5f8f-11e7-b1de-0034c3d6ea80.jpg Францад сүмийн гадна халдлага гарсны улмаас найман хүн шархаджээ

Өчигдөр шөнө /7-р сарын 02/ Францын өмнөд хэсэгт байрлах Авиньон хотод Исламын сүмээс гарч явсан хүмүүс рүү гал нээсний улмаас найман хүн шархадсан хэрэг гарчээ. Шархадсан найман хүний дөрөв нь сүмийн мөргөлч, үлдсэн дөрөв нь сүмээс 50 метрийн зайтай орон сууцанд амьдардаг нэг гэр бүлийнхэн байжээ.

Уг болсон хэрэг явдлыг шүүхийн зүгээс алан хядах ажиллагаа гэж үзэхгүй байгаа талаар “La Provence” сонин өнөөдөр /7-р сарын 03/ өглөөний дугаартаа нийтэлсэн байна. Цагдаа нарын үзэж байгаагаар халдлага хувь хүмүүсийн хоорондын маргаанаас үүдэлтэй байж болох аж.

Ийнхүү сүмд мөргөл үйлдээд гарч явсан хүмүүс рүү нүүрээ халхалсан хоёр этгээдийн нэг нь гал нээснээр тэд хэргийн газраас нэн даруй зугтсан байна. Энэхүү халдлагын үеэр амралтын өдрөөрөө гэртээ тухалж байсан гэр бүлийн хүмүүс өртсөн гэдгийг дээр дурдсан билээ. Хэрэг орон нутгийн цагаар оройн 10:30 цагийн орчимд гарсан юм.

Орчуулсан: С.Нарангарав

Эх сурвалж: Синьхуа агентлаг

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ