Орос, Япон хоёр улс Курилын арлын асуудлаар зөвшилцөлд хүрэхэд ойрхон байна

1172137.jpg Орос, Япон хоёр улс Курилын арлын асуудлаар зөвшилцөлд хүрэхэд ойрхон байна

Японы ерөнхий сайдын тусгай зөвлөх Эйичи Хасегава тэргүүтэй улс төр, бизнесийн төлөөллүүд Кунашир, Итуруп, Шикотан арлуудад хийх айлчлалаа өнгөрсөн зургадугаар сарын 27-ноос эхлүүлсэн юм. Японы нэрлэж заншсанаар Курилын арлууд гэгдэх тэдгээр арлыг тойрсон асуудал ОХУ, Япон хоёр улсын хооронд ямагт маргаан дагуулж ирсэн байдаг.

Тэгвэл ерөнхий сайдын зөвлөх Эйичи Хасегава бямба гаригт /7-р сарын 1/ айчлалаа өндөрлөх үеэрээ “Курилын арлуудын асуудлаар Оросын талтай байгуулсан хэлэлцээр амжилтад хүрэхэд бидний айлчлал хувь нэмрээ оруулна гэдэгт итгэж байна” гээд айлчлалын үр дүнгийн Ерөнхий сайд Шинзо Абед цаг алдалгүй мэдэгдэхээ илэрхийлсэн байна.

Японы улс төр, бизнесийн төлөөлллүүд дээрх арлуудаар айлчлахдаа тухайн орон нутгийн дэд бүтцийг судлан хамтын хэлэлцээрийг хэрэгжүүлэх оновчтой шийдлүүдийг гаргаж ирэхийг зорьж байжээ. Тэдний айлчлал таван өдөр үргэлжилсний эцэст энэ долдугаар сарын 1-нд өндөрлөснөөр төлөөлөгчид нутаг буцжээ.

Орчуулсан: С.Нарангарав

Эх сурвалж: Тасс агентлаг

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ