ОХУ “хэрүүлийн алим” шидэхээ зогсоохыг АНУ-аас хүсчээ

18945246_445755942462141_326621648_n.jpg ОХУ “хэрүүлийн алим” шидэхээ зогсоохыг АНУ-аас хүсчээ

Өчигдөр /06-р сарын 06/ Иммануэль Кантын нэрэмжит Холбооны Балтийн Их Сургуульд ОХУ-ын Гадаад хэргийн сайд Сергей Лавров хүрэлцэн очсон юм. Тэрбээр тус сургуулийн оюутнуудад гадаад харилцааны асуудлаар илтгэл тавих үеэрээ ОХУ дахь АНУ-ын сөрөг хандлагын талаар өөрийн санал бодлыг хуваалцжээ. Тэрбээр АНУ-ыг тус улсын ерөнхийлөгчийн сонгуулийг тойрсон асуудлаар ОХУ руу удаа дараа шидэж байгаа “хэрүүлийн алим”-аа зогсоохыг хүсч байгаагаа юуны өмнө илэрхийлсэн байна.

Тэрбээр илтгэлдээ “ОХУ-ны эсрэг үнэний өчүүхэн ч хувьгүй хов живийн шинжтэй мэдээллийг цацсанаараа АНУ-ын ерөнхийлөгчийн сонгуулийн үр дүнд нөлөөлөхийг хүссэн хэсэг хүмүүс байгаа юм. Тэдгээр хүмүүсийн явуулгаар хэвлэл мэдээллийн хэрэгслээр байж боломгүй, зохиомол хэлэлцүүлэгүүд өрнөж, үүний үр дүнд бодитоор оршин буй чухал асуудлуудад тавих дэлхий нийтийн анхаарал суларч байна. Гэхдээ миний зүгээс Барууны улс төрчид энэ мэт дуулиан шуугианаас илүүтэй ард олныхоо язгуур эрх ашгийг нэгдүгээрт тавьж ОХУ-тай хэвийн харилцаагаа үргэлжлүүлнэ гэдэгт итгэж байна” гэжээ.

Энэхүү ялдамд тэрбээр ОХУ улс төрийн аливаа нөхцөл байдлыг үл хамааран, харилцан ашигтай, эрх тэгш зарчмын үндсэнд хамтран ажиллахыг хүссэн гадаадын аливаа түнштэйгээ үр ашигтай хамтын ажиллагааг эхлүүлэхэд бэлэн байгааг илэрхийлээд үүний нэг нотолгоо нь саяхан болж өнгөрсөн Петербургын Олон Улсын Эдийн Засгийн Хэлэлцүүлэг болохыг мөн онцолжээ. Тэрхүү хэлэлцүүлэгт 60 гаруй улс орноос хүрэлцэн ирсэн 8000 орчим зочин төлөөлөгч оролцсон юм.

Орчуулсан: С.Нарангарав

Эх сурвалж: Тасс агентлаг

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ