Алжир оюутан Парисын цагдаа руу халдлаа

x3c5bd4gb.jpg Алжир оюутан Парисын цагдаа руу халдлаа

Өчигдрөөс/6-р сарын 6/ Францын цагдаа нар Парисын дарь эхийн сүмийн эргэн тойрны гудамж, зам талбайг битүүмжлэн хаалаа. Учир нь нэгэн зэвсэглэсэн этгээд тус сүмийн үүдэнд халдлага үйлдэхээр завдаж цагдаагийн биед халдсан байна. Тус этгээдийг газар дээр нь зогсоож шуурхай арга хэмжээ авсан ч дахин илүү ноцтой халдлага гарахаас сэргийлж зам талбайг ийн хамгаалалтанд аваад байгаа аж.

Цагдаа руу халдсан этгээдийг хэн болохыг тогтоохоор Францын цагдаа нар ажиллаж байгаа бөгөөд биедээ авч явсан биеийн байцаалтаас нь үзэхэд Алжир оюутан болох нь тодорхой болжээ. Цаашлаад энэхүү халдлагын мөрөөр Францын Прокурорын Газрын Терроризмыг таслан зогсоох тасгаас мөрдөх ажиллагаа явуулахаар болсон байна. Халдлагыг Сири, Ирак, Сахелийн бүсэд явуулж байгаа Францын цэргийн үйл ажиллагаатай холбон үзжээ.

Учир нь сэжигтэн этгээд цагдаа руу халдах үедээ “Сирийн нэрийн өмнөөс” хэмээн хашгирч байжээ. Тэрбээр хутга болоод алхаар зэвсэглэсэн байсан ч тухайн мөчид хэргийн газар байсан өөр нэгэн цагдаа яаралтай арга хэмжээ авсны дүнд Францын цагдаа хөнгөн гэмтэл аваад өнгөрсөн байна. Харин халдагч этгээдийн хувьд бууны шарх авсан төдийгүй халдлагыг ганцаараа үйлдсэн байх талтай аж.  

Орчуулсан: С.Нарангарав

Эх сурвалж: Синьхуа агентлаг

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ