“Хабулыг энх тайванд хөтлөх зам” олон улсын хурал өндөржүүлсэн хамгаалалтан дор үргэлжилж байна

ннн.jpg “Хабулыг энх тайванд хөтлөх зам” олон улсын хурал өндөржүүлсэн хамгаалалтан дор үргэлжилж байна

“Хабулыг энх тайванд хөтлөх зам” нэртэй олон улсын хурал Афганстан улсын нийслэл Хабул хотноо өнөөдөр нээлтээ хийлээ. Энэхүү хуралд АНУ, ОХУ, БНХАУ тэргүүтэй 20 улсаас гадна НҮБ, НАТО, ЕХ зэрэг олон улсын байгууллагын төлөөллүүдээс оролцож байгаа юм.

Нэг өдөр үргэлжлэх уг хурлын зорилго нь Афганстан улс дахь дайн самууны эсрэг олон улсын хамтын ажиллагааг бэхжүүлэх болон улс орны эвлэн нэгдэх, энх тайванд хүрэх үйл явцыг түргэсгэхэд чиглэх ажээ. Түүнээс гадна Талибанчуудыг хэлэлцээрийн ширээний ард суухыг уриалж, Афганстаныг ужгирсан хямралаас гарах арга замд хөтлөх нь энэхүү хурлын бас нэгэн зорилт болж байна.

Ийнхүү олон улсын чухал үйл явдал болж байгаатай холбогдуулан Афганстаны засгийн газраас аюулгүй байдалдаа онцгой анхаарал хандуулж хурал болж буй газартай холбогдох бүх зам, гарцуудыг хааж байгаа аж.

Орчуулсан: С.Нарангарав

Эх сурвалж: Синьхуа агентлаг

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ