Эмэгтэйчүүдийн эрхийн төлөө тэмцэгч Саудын Араб эмэгтэйг баривчилжээ

18944946_445391485831920_675816126_n.jpg Эмэгтэйчүүдийн эрхийн төлөө тэмцэгч Саудын Араб эмэгтэйг баривчилжээ

Өдгөө эмэгтэй хүнийг машин барихыг хориглосон хууль цор ганц Саудын Араб улсад үйлчилдэг билээ. Тэгвэл уг хуулийг зөрчсөн хэргээр өмнө нь баривчлагдаж байсан эмэгтэйг дахин баривчилсан байна. 

Тодруулбал хүний эрх, тэр дундаа эмэгтэйчүүдийн эрхийн төлөө ажилладаг Лоужайн Аль Хатлоул хэмээх эмэгтэйг энэ сарын 4-нд Дамман хотын Олон улсын нисэх буудал дээрээс баривчилжээ. Амнести Хүний Эрхийн Байгууллагаас энэхүү баривчлагааг учир утгагүй агаад шударга ёсонд үл нийцэх үйлдэл болохыг онцлоод түүнийг яаралтай суллана гэж найдаж байгаагаа илэрхийлсэн байна.

Баривчилсан шалтгаанаа ил болгохоос хотын удирдлагууд одоогийн байлаар түдгэлзэж байгаа юм. Тэрбээр 2014 оны сүүлээр Саудын Араб улсаас Арабын Нэгдсэн Эмират улс руу машинаар зорчих гэж байгаад баривчлагдан 73 өдөр саатуулагдаж байжээ. Мөн нэг ч хүний санал аваагүй ч 2015 оны арваннэгдүгээр сард Саудын Арабад болсон олон нийтийн сонгуульд нэр дэвшигчийн хувиар оролцсон анхны эмэгтэй болж байжээ. 

Ийнхүү өмгөөлөгч болон ар гэрийнхэнтэйгээ ч холбогдох боломжгүй байгаа тэрхүү “тэмцэгч”эмэгтэйг өнөөдөр байцаалтад оруулахаар Рияад хотноо хүргэсэн гэж таамаглаж байна.

Орчуулсан: С.Нарангарав

Эх сурвалж: ВВС

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ