Иргэд олигархуудад эзлэгдсэн "төр барих эрх"-ээ бодитоор эдлэхийг шаардаж байна

ffdk.jpg Иргэд олигархуудад эзлэгдсэн "төр барих эрх"-ээ бодитоор эдлэхийг шаардаж байна

Ардын Их Хурал Хөдөлгөөнөөс үндсэн хуулинд нэмэлт өөрчлөлт оруулах талаар өнөөдөр /2017.05.24/ хэвлэлийн бага хурал хийлээ. Тус хуралд Ардын их хурал хөдөлгөөний Л.Ганхөлөг, Д.Нанзаддорж, Д.Хархүү болон бусад төлөөлөгчид оролцсон юм.

Тэд Монгол Улсын Үндсэн хуульд нэмэлт, өөрчлөлт оруулах асуудлаар анхдугаар зөвлөлдөх зөвлөлийг зохион байгуулах зөвлөлдөх зөвлөлийн дарга Д.Ламжав, Н.Жанцанноров, ажлын хэсгийн ахлагч Д.Лүндээжанцан нарт мэдэгдэл хүргүүлжээ. 

Уг мэдэгдэлд:

Монгол Улсын үндсэн хуульд нэмэлт өөрчлөлт оруулах асуудлаар анхдугаар зөвлөлдөх санал асуулга явуулах Зөвлөлдөх зөвлөл, түүнд туслалцаа үзүүлэх ажлын хэсгийг Монгол Улсын Их хурлаас та бүгдээр ахлуулан байгуулж 6 зүйл асуулгыг хэлэлцүүлэхээр тогтоожээ. 

Нэн түрүүнд манай хөдөлгөөний гол зорилго болсон Ардын Их хурал буюу 2 танхимтай парламентат тогтолцоотой болох асуудлыг хэлэлцүүлэхээр болсонд талархууштай. Гэсэн хэдий ч дээрх 6 зүйлийн асуудлыг хөндөж байгаа нь нэр төдий ажил болох магадлалтай байгаад санаа зовж буйгаа үүгээр илэрхийлье.

Хэрэв Улсын Их хурлын 2017 оны 24 дүгээр тогтоолын дагуу бүх зүйл өрнөвөл ард иргэд үр дагаварыг нь нуруундаа үүрсэн өмнөх "дордуулсан долоон өөрчлөлтөөс" ч илүү хортой "завхарсан зургаан өөрчлөлт" болох аюул харагдаж байна.

Гэтэл сорон нутагт амьдарч буй иргэд олигархуудад эзлэгдсэн "төр  барих эрх"-ээ бодитоор эдлэхийг шаардаж байна. Тусгаар тогтнол, үндэсний аюулгүй байдлынуг үндэс болсон үндсэн хуулинд орох нэмэлт, өөрчлөлт нь Монгол Улсын иргэн нь төрийн эрх барих эрхээ бодитоор хэрэгжүүлэх боломжийг хангасан, эх орны ирээдүйн тогтвортой хөгжлийн баталгаа болох ёстой хийгээд алив гадны нөлөөлөл, улс төрийн аль нэг нам, эсвэл, олигархи бүлгийн явцуу сонирхлоос ангид хиййгдэх ёстой. Энэ үйл хэргийн төлөө ардын их хурал хөдөлгөөн нь тууштай тэмцэх бөгөөд үүнтэй холбоотой бүхий л асуудлыг анхааралтай ажиглаж, шаардлагатай бүхий л арга хэмжээг авахад бэлэн байгааг мэдэгдье гэжээ.

Н.Мичидмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ