Тагтан дээрээ зодуулж зүхүүлсэн настан охиндоо гомдолгүй хэмээн мэдүүлжээ

tag.jpg Тагтан дээрээ зодуулж зүхүүлсэн настан охиндоо гомдолгүй хэмээн мэдүүлжээ

Уг бичлэг дээр гарч байгаа Н хэргийг үйлдэх үедээ согтууруулах ундаа хэрэглэсэн байсан бөгөөд эхийгээ “Үхэхгүй, яагаад амьдраад байгаа юм бэ. Аав үхчихээд байхад та яагаад амьд байгаа юм. Үхээд өгөөч” зэргээр харааж, юм шидэж буй бичлэг цахимд тавигджээ. Улмаар тус эмэгтэйг цагдаагийн байгууллагаас шалгаж, долоо хоног баривчлах шийдвэр гаргасан байна.

 Иргэн Н-ийн ээж өдгөө 88 настай бөгөөд тэрээр цагдаагийн байгууллагад “Гомдолгүй” хэмээн мэдүүлжээ. Харин байрных нь оршин суугчид эл балмад эмэгтэй удаа дараа ээжийгээ зодож дарамталж, орцонд хөөн гаргадаг байсан тухай мэдээлсэн байна.

Судалгаагаар гэр бүлийн хүчирхийлэлд бага насны хүүхэд, эмэгтэйчүүдээс гадна өндөр настнууд ихэвчлэн өртдөг аж. Тухайлбал 2016 онд хүчирхийлэлд өртсөн нийт хүмүүс дунд 50-иас дээш насны 78 ахмад настан бүртгэгджээ. Харин энэ оны эхний улиралд 118 хүн гэр бүлийн хүчирхийлэлд өртсөнөөс 60-ааш дээш настай 35 хүн бүртгэгджээ. Тэдний 15 нь төрсөн үр хүүхдэдээ зодуулж, дарамтлуулсан байна.

Агсам тавьж бусдын нүдэн дээр хөөж туун зодож нүдсэн ч гэлээ хөөрхий хөгшин охиндоо дахин дарамтлуулахаас эмээсэн үү эсвэл эхийн санаа үрд гэдгийн үлгэр болов уу ийн гомдолгүй гэж мэдүүлжээ. 

У.Маргад
Эх сурвалж: Leaders.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ