Г.Отгонцэцэг Азийн аваргад өрсөлдөхөөр болжээ

cf5ghn418dfhg4.jpg Г.Отгонцэцэг Азийн аваргад өрсөлдөхөөр болжээ

Жүдо бөхийн насанд хүрэгчдийн Ази тивийн аварга шалгаруулах тэмцээн тавдугаар сарын 24-29-ний өдрүүдэд Хонгконгт болох юм. Уг тэмцээнд өрсөлдөх Казахстан улсын баг тамирчдын нэрс тодорсон бөгөөд эмэгтэйчүүдийн 48 кг-д Г.Отгонцэцэг өрсөлдөхөөр болжээ. “Рио 2016” олимпийн наадмын хүрэл медальт, Казахстан улсын Гавьяат тамирчин Г.Отгонцэцэг өдгөө бэлтгэл сургуулилтаа Астанад хийж байгаа билээ.

Дэлхийн шилдэг бөхийн нэг Г.Отгонцэцэг өнгөрөгч гуравдугаар сард Улаанбаатарт болсон Гавьяат тамирчин Д.Цэрэнхандын нэрэмжит 50 сая төгрөгийн шагналын сантай халз барилдаанд зодоглосон. Тэрбээр дэлхийн аварга М.Уранцэцэгтэй барилдахдаа нэмэлт цагт вазари үнэлгээгээр ялагдсан юм. Г.Отгонцэцэг залуучуудын багт нэгдэн өрсөлдсөн.

Монголын шилдэг жүдочдын халз барилдаанд 5:2 харьцаагаар олимп, дэлхийн медальтнуудын баг ялалт байгуулсан билээ. Энэхүү барилдаан гуравдугаар сарын 16-ны өдөр АСА циркэд болсон юм.

Б.Эрхсаран

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ