Сергей Лавров, Трамп хоёрын уулзалт болжээ

Tramp_and_Lavrov.jpg Сергей Лавров, Трамп хоёрын уулзалт болжээ

Оросын “TASS” агентлаг ОХУ-ын Гадаад хэргийн сайд Сергей Лавров АНУ-ын Ерөнхийлөгч Дональд Трампийн засаг захиргааны үеийн анхны айлчлал хийсэн тухай мэдээлж байна. 2013 оноос хойш тус улсад айлчлал хийгээгүй Сергей Лавров сайдыг Вашингтон хотноо айлчахад Америкийн Төрийн нарийн бичгийн дарга Рекс Тиллерсон угтан авсан байна.

Дараа нь Ерөнхийлөгч Трамп хүндэт зочин С.Лавровыг Цагаан ордондоо хүлээн авч, уулзахдаа Сири болон Украины зүүн хязгаарын асуудлаар санал солилцжээ. Мөн Сирид гал зогсоох болон аюулгүй бүс байгуулах асуудлаар хэлэлцсэн байна. Хоёр удирдлагуудын айлчлалын онцлогийн талаар тус улсын Гадаад хэргийн яамны хэвлэлийн алба "С.Лавров сайдын айлчлалын гол зорилго Сирид аюулгүй бүс байгуулахад АНУ-ын эрх баригчдын дэмжлэгийг авах нь илүү чухал байлаа” гэж мэдэгджээ.

 Б.Баярмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ