БНСУ-ын ерөнхийлөгчийн сонгуулийн урьдчилсан дүнгээр Мүүн Жэ Ин ялж байна

мүүн1.jpg БНСУ-ын ерөнхийлөгчийн сонгуулийн урьдчилсан дүнгээр Мүүн Жэ Ин ялж байна

Өмнөд Солонгос ерөнхийлөгч асан Пак Гын Хегийн асуудлын улмаас шинэ ерөнхийлөгчөө өчигдөр сонголоо. Солонгосын Үндэсний сонгуулийн хорооноос гурван цагийн өмнө мэдээлснээр Либерал Ардчилсан намаас нэр дэвшигч Мүүн Жэ Ин нийт саналын 40 хувийг аваад байжээ.

Эцэг эх нь дайны улмаас Хойд Солонгосоос дүрвэжээ

Харин түүний өрсөлдөгч нар болох прокурор асан Хон Жүүн Пёо 25,5 хувийн санал, төвийг сахигч Ан Чёл Соо 21,4 хувийн санал авсан байна. Сонгуулийн хороо өнөөдөр өглөө эрт эцсийн байдлаар албан ёсны дүнг зарлах юм. Тэгвэл Либерал Ардчилсан намын гишүүн Мүүн Жэ Ин хүний эрхийн хуульч мэргэжилтэй бөгөөд эцэг эх нь Хойд Солонгосоос дүрвэж, БНСУ-д ирж байсан аж.

Тэрээр АНУ-ын THAAD пуужингаас хамгаалах системийг БНСУ-д байршуулах тухай өмнөх ерөнхийлөгчийн шийдвэрийг эргэн харж, БНАСАУ-тай харилцаагаа сайжруулах тухай дурджээ. Энэ нь хоёр Солонгосын харилцаа өөрчлөгдөхийн хэрээр АНУ болон БНСУ-ын харилцаа мөн өөрчлөгдөж магадгүй гэсэн үг юм.

Тэрээр АНУ-ын THAAD пуужингаас хамгаалах системийг БНСУ-д байршуулах тухай өмнөх ерөнхийлөгчийн шийдвэрийг эргэн харж, БНАСАУ-тай харилцаагаа сайжруулах тухай дурджээ.

Өдгөө 64 настай Мүүн Жэ Ин Өмнөд Солонгос урд эрэгт байрлах Геоже хэмээх бяцхан аралд төржээ. Эцэг эх нь дайны улмаас Хойд Солонгосоос дүрвэсэн бөгөөд ядуу тарчиг амьдралтай хэдий ч тэрээр сургуульдаа амжилттай суралцаж, улмаар 1970 онд Сөүлийн их сургуульд тэтгэлгээр сурах эрхтэй болсон аж. Түүнийг их сургуульд сурч байх үед саяхан ерөнхийлөгчийн албан тушаалаасаа чөлөөлөгдсөн Пак Гын Хегийн эцэг Пак Чун Хий ерөнхийлөгчийн албыг хашиж байсан юм.

Харин Мүүн Жае Ин энэ үеэр ерөнхийлөгч Пакын эсрэг жагсаалд оролцсоны улмаас баривчлагдаж, сургуулиасаа хөөгджээ. Гэхдээ хожим Мүүн Жэ Ин сургуульдаа эргэн очиж, эрдмийн зэргээ авсан аж. Хэдийгээр сургуулиа амжилттай төгссөн боловч түүнийг жагсаалд оролцож байсан болохоор төрийн байгууллагууд, шүүх, прокурорын албанд орохыг нь зөвшөөрөөгүй юм байна. Ингээд Бусан хот руу шилжиж, хүний эрхийн хуулиар мэргэшсэн бөгөөд 2003 онд БНСУ-ын ерөнхийлөгч болсон Ро Мү Хёны удирдлага дор ажиллаж байсан бөгөөд Ро ерөнхийлөгч болсныхоо дараа Мүүн Жае Иныг нарийн бичгийн даргаар томилж байжээ.

Мүүний улс төрийн карьер ийнхүү эхэлсэн бөгөөд 2012 онд Пак Гын Хегийн эсрэг ерөнхийлөгчийн сонгуульд өрсөлдсөн боловч саналын багахан зөрүүгээр ялагдсан түүхтэй. Ерөнхийлөгчийн сонгуулийн үеэр Мүүн Жаэ Ин “Зөвхөн манай нам гэлтгүй бүх ард түмэн засгийн газрыг өөрчлөн, шинэчлэхийг хүсэж байна” гэжээ.

Эх сурвалж: www.gogo.mn Д.Багахүү

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ