Айлчлалын хүрээнд БНСВУ-ын Дэд ерөнхийлөгч Данг Тхи Нгок Тхинь Монгол Улсын Ерөнхийлөгч Ц.Элбэгдорж, УИХ-ын дарга М.Энхболд нарт бараалхаж, Ерөнхий сайд Ж.Эрдэнэбаттай  албан ёсны хэлэлцээ хийх юм байна.
 

Дэд ерөнхийлөгч Данг Тхи Нгок Тхинийн Монгол дахь айлчлалын үеэр Монгол, Вьетнамын найрсаг харилцааг бэхжүүлэх,  дээд, өндөр түвшний улс төрийн яриа хэлэлцээрийн давтамжийг хадгалах талаар зөвлөлдөж шийдэх болжээ. Түүнчлэн  хоёр орны худалдаа, эдийн засаг, шинжлэх ухаан, технологийн болон бусад салбарын хамтын ажиллагааг идэвхжүүлэх, олон улс, бүс нутгийн харилцан сонирхсон асуудлаар тус тус санал солилцохоор төлөвлөжээ.
Б.Баярмаа