МАХН Ерөнхийлөгчийн сонгуульд хэн хэний нэрийг дэвшүүлэв

f98hg7.jpg МАХН Ерөнхийлөгчийн сонгуульд хэн хэний нэрийг дэвшүүлэв

Намууд 2017 оны Ерөнхийлөгчийн сонгуульд нэр дэвшигчдээ тодруулж байна. МАН-аас тус намын дарга М.Энхболд, АН-аас УИХ-ын гишүүн Х.Баттулга нэр дэвшихээр болоод байгаа юм. Харин МАХН-аас нэр дэвших эрхмийн нэр хараахан тодроогүй байна.

Тэгвэл МАХН өнөөдөр Бага чуулганаа хуралдуулж, Ерөнхийлөгчийн сонгуульд өрсөлдөх эрхмээ тодруулах юм. Бага чуулганд дөрвөн эрхмийн нэрийг дэвшүүлж, нууц санал хураалтаар нэг хүнийг Ерөнхийлөгчийн сонгуульд өрсөлдүүлнэ гэж баттай эх сурвалж мэдээлж байна.

Одоогийн байдлаар Гадаад хэргийн сайд асан Л.Эрдэнэчулууны нэр ил болоод байгаа бол үлдсэн гурван эрхэмд Академич, Хууль зүйн шинжлэх ухааны доктор, профессор, Шинжлэх ухааны гавьяат зүтгэлтэн С.Нарангэрэл, УИХ-ын гишүүн асан Ц.Оюунбаатар, УИХ-ын гишүүн асан С.Ганбаатар нэр дэвшинэ гэж эх сурвалж мэдээллээ.

С.Нарангэрэл нь МАХН-ын дарга Н.Энхбаярын өмгөөлөгчөөр ажиллаж байсан нэгэн. Түүний болон Гадаад хэргийн сайд асан Л.Эрдэнэчулууны нэрийг УИХ-ын гишүүн О.Баасанхүү санал болгосон аж. Гэхдээ эдгээр эрхмүүдийн дунд нууц санал хураалт явуулж, нэгийг нь Ерөнхийлөгчийн сонгуульд өрсөлдүүлэх юм.

Ингэснээр сонгогдсон эрхэм МАН-аас МАН-ын дарга, УИХ-ын дарга М.Энхболд, АН-аас УИХ-ын гишүүн асан Х.Баттулгатай өрсөлдөх эрхтэй болно.

Бага чуулган 10.00 цагаас хуралдана.

Эх сурвалж:zaluu.com

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ