Б.Сүхбаатар: Морин хуурын музейд төрийн бодлого үгүйлэгдэж байна

ghhgky,li7fi.PNG Б.Сүхбаатар: Морин хуурын музейд төрийн бодлого үгүйлэгдэж байна

Монголын морин хуурын музей үүсгэн байгуулагдаад хоёр жилийн нүүрийг үзэж байгаа аж. Гэвч өөрийн гэсэн зориулалтын байргүй тул  музейг байртай болгоход зориулж тоглолт хийх гэж буй талаараа Дуучин П.Равжир, Морин хуур төвийн дэд ерөнхийлөгч Б.Мөнхтүвшин, Монгол хуур төвийн захирал Б.Сүхбаатар нар хэвлэлийн бага хурал хийлээ.

Монгол хуур төвийн захирал Б.Сүхбаатар: Музейн цуглуулагын хувьд өдөр ирэх тусам арвин баялаг болсоор байгаа ч тулгамдаж буй олон асуудлууд байгаа . Хамгийн наад захын асуудал нь өөрийн гэсэн байр байхгүй мөн тэрхүү чиглэлээр үйл ажиллагаа явуулдаг төр засгийн бодлого  дутмаг байна. Энэхүү төвийг бий болгохын тулд  дөрөвдүгээр сарын 24 нд Монгол бөхийн өргөөнд"Тэнгэрийн Хишиг" нэртэй уран бүтээлийн тоглолтийг зохион байгуулах гэж байна. "Тэнгэрийн Хишиг" тоглолтоороо ард иргэддээ хандаж үндэсний хөгжим морин хуураа дээдэлж айл өрх бүр тэргүүндээ залая гэсэн санаачлага уриалгийг гаргаж байгаа. Мөн гадаад, дотоодын байгууллагуудад хандаж хэлэхэд үндэсний өв уламжлалыг тээсэн музейг маань зориулалтын байртай болгож өгөөч гэж хүсмээр байна гэв. 

Морин хуур төвийн дэд ерөнхийлөгч Б.Мөнхтүвшин: Монголын морин хуурын төв 28 дахь жилдээ үйл ажиллагаа явуулж байна. Морин хуурын төвөөс салбарлан Монгол хуур төв гэж байгуулагдсан. Энэхүү төвийн зорилго нь Монгол морин хуураа дэлхийд таниулж, иргэддээ сурталчилж хөгжүүлэн дэлгэрүүлэх зорилготойгоор үйл ажиллагаа явуулдаг. Энэхүү тоглолтоос олсон ашиг нь музейг байртай болгоход  зориулагдах учраас дөрөвдүгээр сарын 24 нд морин хуураа дээдэлдэг хүн бүрийг урьж байна гэсэн юм.

Н.Мичидмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ