Ёочин хөгжмийн багш, агсан Г.Дашдаваагийн “Багш дор мөргөмү” арга хэмжээ болж байна

Г.Дашдаваа.jpg Ёочин хөгжмийн багш, агсан Г.Дашдаваагийн “Багш дор мөргөмү” арга хэмжээ болж байна

С.Гончигсумлаагийн нэрэмжит Алтангадас одонт Хөгжим бүжгийн коллежийн 80 жилийн ойн хүрээнд Монголын ёочин хөгжмийн өдрийг дөрөвдүгээр сарын 15-нд тэмдэглэж байна. Мөн энэ ойн хүрээнд Монголын ёочин хөгжмийн танхимд мэргэжлийн сургалт болон Монгол дахь ёочин хөгжмийн дээд боловсролын сургалтыг үндэслэгч, Монгол Улсын гавьяат багш, агсан Г.Дашдаваа багшийн мэндэлсэний  80 насны ой тохиож байгаа юм.

Монголын урлагийн эх уурхай болсон тус коллежийн 80 жилийн ойн үеэр ёочин хөгжмийн боловсролын сургалтыг үндэслэгч  Г.Дашдаваа багшийн үе үеийн шавь нар нь багшийнхаа 80 жилийн ойн арга хэмжээний нээлтийг өнөөдөр хийлээ. Энэ арга хэмжээний хүрээнд "Багш дор мөргөмү", "Ёочингийн гарын авлага", "Дасгал судалбар аяз" номын нээлт ХБК номын санд болж, мөн Г.Дашдаваагийн нэрэмжит танхимыг нээлээ. Ёочин хөгжмийг янчир гэх бөгөөд гавъяат багш янчирчин Г.Дашдаваа хөг нэмэгдүүлсэн шинэчлэл хийсэн нь одоо хөгжмийн сургалтанд өргөн ашиглагдаж байгаа аж.

Энэхүү арга хэмжээнд түүний анхны 11 шавь болон Монголын хөгжмийн урлагт хувь нэмрээ оруулж яваа охидууд нь хүрэлцэн ирж, сэтгэгдлээ илэрхийлсэн юм. Монголын ёочин хөгжмийн хөгжилд үнэтэй хувь нэмэр оруулсан Г.Дашдаваад зориулсан  "Багш дор мөргөмү" хүндэтгэлийн тоглолт өнөөдөр орой 18 цагт Улаанбаатар чуулгад болох юм байна.

Ёочин буюу янчир хөгжмийг шинэчлэгч Г.Дашдаваа багшийн анхны 11 шавь нар

Хөгжим бүжгийн коллежийн захирал

Монгол Улсын гавьяат багш Г.Дашдаваагийн гурван охин

Б.Баярмаа

Мэдээ таалагдсан бол лайк дарна уу:

СЭТГЭГДЭЛ (1)

by 2017-04-17

Sain bna u? uuchilaarai, yochin hogjimnoos busad zurag n haragdahgui bh yum, yah yostoi yum boloo?

ШИНЭ МЭДЭЭ