Энэтхэгт биеийнхээ гадна зүрхтэй хүүхэд төржээ

tkiyutktyj.jpg Энэтхэгт биеийнхээ гадна зүрхтэй хүүхэд төржээ

Мадхья-Прадеш мужид дөрөвдүгээр сарын 5-нд төрөлхийн ховор гажигтай охин төржээ. Охины зүрх нь гадна ил байжээ. Түүний амьдрах магадлал – 50:50 аж.

Шинэ төрсөн хүүхдийн эцэг эх нь 22 настай Премкумари, 24 настай Арвинд Пател нар бөгөөд ургийг хэт авиан шинжилгээгээр ямар нэг гажигтай гэдгийг мэдсэн байжээ. Гэхдээ цаашид туршилт явуулахад хосод ямар ч мөнгө байхгүй байж. Энэ тухай Daily Star мэдээлсэн байна.

“Бидний хүүхэд маш их зовох болно гэж хэзээ ч бодож байгаагүй” хэмээн охины ээж сэтгүүлчдэд ярьжээ.

Одоогийн байдлаар, охиныг Дели хотын эмнэлэгт шилжүүлсэн бөгөөд тэнд Энэтхэгийн Анагаах ухааны хүрээлэнгийн мэргэжилтнүүдийн хяналтад байгаа аж. Охины амьдрах боломж 50:50 хувь гэдэг нь маш бага аж.

Ийм эмгэг маш ховор – нэг сая тутамд найман тохиолдол байх магадлалтай аж. Ийм байдалтай төрсөн хүүхдүүдийн 90% нь эхний хоногтоо нас бардаг байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ