АНУ: Ерөнхийлөгч Трамп өөрийн бүтэн жилийн цалингаа сайн үйлсийн аянд зориулахаар шийджээ.

tr.jpeg АНУ: Ерөнхийлөгч Трамп өөрийн бүтэн жилийн цалингаа сайн үйлсийн аянд зориулахаар шийджээ.

АНУ-н MSNBC телевизийн хөтлөгч Рейчел Мэддоу өөрийн нэвтрүүлэгтээ Трампын 2005 оны татвар төлөлтийн талаар мэдээ гаргахаа өчигдөр амласан ба уг амлалтын дараа Цагаан Ордон  ерөнхийлөгч Трамп бизнесмен байхдаа, 2005 онд олсон 150 сая ам.долларын орлогоосоо 38 сая ам.долларыг татварт төлсөн хэмээн мэдээлжээ.

Уг нэвтрүүлгийн өмнөх өдөр нь ерөнхийлөгч Трамп өөрийн бүтэн жилийн цалинг буюу 400 сая ам.долларыг сайн үйлсийн аянд хандивлахаар шийдсэн талаар Цагаан ордны хэвлэлийн төлөөлөгч Шон Спайсер мэдэгдэж байсан билээ.

Ерөнхийлөгчийн сонгуульт ажлынхаа үеэр Дональд Трамп хуулиар тогтоосон хамгийн бага хэмжээ болох 1$-с өөр цалин авах хүсэлгүй байгаагаа мэдэгдэж байсан юм. Түүнийг олон жилийн бизнесийн карьерынхаа үед сайн үйлст мөнгө хандивладаггүй байсан хэмээн шүүмжилдэг байсан ба 2016 оны байдлаар түүний хөрөнгө нь 3,7 тэрбум ам.доллар хэмээн Forbes сэтгүүл мэдээлж байжээ.

Дашрамд дурьдахад АНУ-н өмнөх ерөнхийлөгчдөөс Герберт Гувер болон Жон Кеннеди нар өөрийн цалингаа хандивлаж байжээ.

 Орчуулсан: Б.Хулан  | Эх сурвалж: http://www.bbc.com

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ