ВВС: Шууд эфир бусинуулагч проф.Роберт Келлигийн хүүхдүүд

Untitled.jpg ВВС: Шууд эфир бусинуулагч проф.Роберт Келлигийн хүүхдүүд

Ярилцлагын үеэр хүүхдүүд гэнэт орж ирж буй, мөн хүүхдүүдийнхээ араас хар хурдаараа гүйн орж ирсэн түүний эхнэрийн дүр зураг бүхий бичлэг олон нийтийн сүлжээгээр тэр даруйдаа тархсан бөгөөд түүнээс ярилцлага авсан ВВС-н хөтлөгч Жеймс Менендес түүнд захиа бичиж, дахин нэг ярилцлага авах хүсэлтэй буйгаа илэрхийлжээ.

Энэ удаад проф.Роберт өөрийн гэр бүлийнхнээ танилцуулж, мөн яагаад босч чадаагүйгээ тайлбарлаж, олон нийтийн маргалдаад байсан халуухан сэдвүүдэд хариулт өгчээ.

Проф. Роберт  өөрөө босоогүй нь магадгүй унтлагын хувцастай, эсвэл бүр өмдгүй ярилцлага өгч байснаас болсон; өрөөнд гүйн орж ирсэн эмэгтэй нь хүүхэд асрагч эсвэл гэрийн үйлчлэгч хэмээн хүмүүс олон нийтийн сүлжээгээр маргалдаж, энэ сэдэв нь өнгөрсөн амралтын өдрүүдийн халуухан сэдэв болоод байсан билээ.

Яагаад ч юм Ази төрхтэй болохоор түүнийг хүүхэд асрагч хэмээн хүмүүс олон нийтийн сүлжээнд таамаглан бичиж байсан нь нилээдгүй хүмүүсийн дургүйцлийг хүргэсэн юм. Үнэн хэрэгтээ, проф.Роберт Пусаны үндэсний их сургуульд багшилдаг ба уг бичлэг дээр хүүхдүүдийг гаргаж буй эмэгтэй нь түүний эхнэр Чона ажээ. Түүний том охиныг Мэрион /солонгос нэр нь Ена/, хүүг нь Жеймс /солонгос нэр нь Юсок/ гэдэг ажээ.

Ноён Роберт бичлэг үзсэн хүмүүс түүний эхнэрийг асрагч/ үйлчлэгч хэмээн хүлээн авсанд нилээдгүй дургүйцсэнээ илэрхийлж, мөн хүүхдүүд нь түүний ажлын өрөөнд орох эрхтэй, тэнд унших ном, тоглоом нь байдаг зэргийг өгүүлжээ.

Өчигдрийн ярилцлагын үеэр хөтлөгч Жеймс түүний гэр бүлийнхэн хэр байгааг, яг юу болсныг асуусан бөгөөд уг бичлэгийн үеэр байгуулсан гавъяаг нь шагнаж ямар нэгэн спа-салон орох эрх эхнэртээ бэлэглэх хэрэгтэй шүү хэмээн сануулжээ.     

Орчуулсан: Б.Хулан  | Эх сурвалж: http://www.bbc.com

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ