Дэлхийн анхны РОБОТ-ШҮҮГЧ

17238424_1401033019947832_110339897_n.png Дэлхийн анхны РОБОТ-ШҮҮГЧ

Английн Стенфордын их сургуулийн оюутан 20 настай Жошуа Бровдер DoNotPay хэрэглээний программыг анх машин зогсоолын эсвэл хурд хэтрүүлсэн торгуулийн баримт авахад зориулан  зохион бүтээж,  2016 оны 3 сард олон нийтэд танилцуулж байсан ба түр орогнол хүссэн цагаачдад туслахын тулд өөрийн программыг шинэчилсэн нь дэлхийн анхны Робот-шүүгч болоод байна.

Энэ программ нь Фейсбук мессенжерийн тусламжтайгаар хүмүүст бичгээр эсвэл дуут шуудангаар зөвлөгөө өгдөг ба одоогийн байдлаар АНУ болон Канад руу ирсэн дүрвэгчид уг программыг цагаачлалын бичиг баримт бөглөхөд ашиглаж байна. Үүгээр ч зогсохгүй, энэ программ нь Их Британийн цагаачдад засгийн газраас санхүүгийн дэмжлэг авахад нь тусалдаг ажээ.

Бровдер программаа өргөжүүлэхдээ улс бүрийн хуульчдаас тусламж авсан ба уг цагаач нь олон улсын дүрвэгсдийн хамгааллын хуульд хамрагдаж болох эсэхийг бүлэг асуултуудаар дамжуулан тодорхойлдог байна. Хэрэв дүрвэгч нь уг хуулийн хүрээнд түр орогнол хүсэх боломжтой бол программ  түүний талаарх нарийн мэдээллийг авч, автоматаар түүний анкетыг бөглөдөг аж.

Гэвч ихэнхи дүрвэгсэд нь интернет холболтгүй газарт амьдардаг, нийт дүрвэгсдийн дөнгөж 39 хувь нь л интернетэд холбогддог тул Бровдерийн хувьд цагаачдад туслах, тэдэнд уугуул иргэд шиг тэгш эрхийг олгоход хүндрэлтэй байх болов уу хэмээн мэргэжилтнүүд үзэж байна.

Орчуулсан: Б.Хулан |   Эх сурвалж: http://www.bbc.com

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ