ОХУ: Цахим гадуурхлын эсрэг хуулийн төслийг боловсруулав

17203647_1402553123129155_719687725_n.png ОХУ: Цахим гадуурхлын эсрэг хуулийн төслийг боловсруулав

ОХУ-н засгийн газрын өнгөрсөн долоо хоногт хийсэн хэвлэлийн бага хурлын үеэр хэсэг гишүүд амиа хорлоход “хүргэх” болон “уруу татах, чиглүүлэх” гэсэн ойлголтыг гэмт хэргийн хуулийн эд ангид нэмж оруулах, гэмт хэрэгтэнд оноох ял шийтгэлийн хэмжээг нэмэх талаар хуулийн төсөл боловсруулсан талаар мэдэгджээ. 

Уг төслийн санаачлагчид “хохирогчийн /цахим гадуурхалд өртөгчийн/ нэр хүнд, хувийн үнэлгээг үе шаттайгаар доромжлон гутааж, амиа хорлоход хүргэсэн гэмт хэрэгтнийг шийтгэхэд хамгийн ихдээ /хэрэв хохирогч нь жирэмсэн эмэгтэй, насанд хүрээгүй иргэн, хэсэг бүлэг хүмүүс бол/ 8 жил эрх чөлөөг нь хасах” санал дэвшүүлээд байгаа аж.

Төслийг санаачлагчдын нэг Ирина Яровая уг хурлын үеэр:

“2016 онд цахим гадуурхлын улмаас 720 гаруй өсвөр насны хүүхэд амиа хорлосон. Хийсэн хэргийн чинь хэмжээгээр зохих ял шийтгэлийг оноож, 12 жил хүртэл хугацаагаар шоронд хорих болно. Тиймээс та нар ийм аюултай тоглоомоор тоглох уу гэдгээ эхлээд сайн бод” хэмээн цахим гутаан доромжлогчдод анхааруулсан мэдэгдэл хийжээ.

2011 оны ЮНИСЕФ-н судалгаагаар өсвөр насны хүүхдийн амиа хорлолтын хэмжээгээрээ ОХУ нь дэлхийд 3-р байранд орсон бөгөөд амиа хорлолтын ихэнх тохиолдол нь архичин эцэг эх, гэр бүлийн хүчирхийлэл, хэрүүл маргаан зэргээс үүдэлтэй байдаг байна.

2016 оны 5 сард ОХУ-н олон нийтийн хэвлэл мэдээллийн хэрэгслээр 130 гаруй хүүхдийг амиа хорлоход хүргэсэн “Үхлийн группууд”-н талаархи мэдээлэл гарсан нь олон нийтийг цочроогоод байсан юм.  2017 оны 3 сард Украйны  цагдаа нар 500 гаруй үхлийн групп, 200 ангуучдын аккаунтыг хаах болсон талаар мэдэгдэж байсан юм.

Монгол улсын хувьд  өнгөрсөн 4 жилийн хугацаанд насанд хүрээгүй 92 хүүхэд сэтгэл гутрал, гадуурхал, хүчирхийлэл, дарамт шахалтаас үүдэлтэйгээр амиа хорлосрн гэсэн эмгэнэлтэй тооцоо байдаг бөгөөд ЭМЯ, НЭМХ, Гэр бүл хүүхэд, залуучуудын хөгжлийн газар, Биеийн тамир, спорт хөгжлийн газар, ЮНИСЕФ, “Дэлхийн зөн” ОУБ, Хүүхдийг ивээх сан, “Үндэсний өгөх өдөр хөдөлгөөн”, “Оюунлаг Монгол хүн” ТББ зэрэг байгууллагууд дэмжин өнгөрсөн жилийн сүүлээс “Цахим гадуурхал цаашаа” хөтөлбөрийг хэрэгжүүлж эхэлсэн билээ.

Орчуулсан: Б.Хулан                 

Эх сурвалж: http://www.bbc.com

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ