Сард тогны мөнгөө 10000 төгрөг гаргах гайхалтай аргууд

9sdfgv74d4vfd6xfv.jpg Сард тогны мөнгөө 10000 төгрөг гаргах гайхалтай аргууд

Ашиглахгүй байгаа ч разетканд залгаатай орхисон цахилгаан хэрэгсэл өрхийн цахилгаан хэрэглээний 7-25 хувийг эзэлдэг гэсэн судалгаа гарчээ. Залгуурт залгаатай байдаг гар утасны цэнэглэгч, удирдлагаар нь унтраагаад улаан гэрэлтэй үлдээдэг зурагт ч гэсэн тог иддэг аж. Унтраасан ч гэсэн залгуур нь цахилгааны тэжээлд холбогдсон болохоор цахилгаан хэрэглэсээр байдаг гэнэ. Үр ашиггүй энэ хэрэглээгээ зогсоовол өрхийн цахилгааны хэрэглээгээ 20 хүртэл хувиар бууруулах боломжтой юм байна.

 Цахилгааны үнэ нэмэгдэж байгаа энэ үед эрчим хүчээ хэмнэх энгийн аргуудыг сонирхуулъя. Цахилгаан хэрэгслээ зөв хэрэглээд хэвшчихвэл тогонд төлдөг мөнгөө багасгах боломжтой юм байна. 

1.Цахилгаан чийдэн: Тог бага хэрэглэдэг, гэрэлтүүлэг сайтай эрчим хүчний хэмнэлттэй чийдэн нь бидний хэрэглэж заншсан Оросын улайсдаг чийдэнгээс ашиглалтын хугацаа нь найм дахин уртаас гадна тогийг 60 хувиар бага зарцуулдаг гэнэ.

 2.Хоолны сав: Хоол бэлтгэх сав нь таарсан тагтай, тэгш хавтгай ёроолтой, ёроолын гадаргуу нь цахилгаан зуухны ширэмтэй ижил хэмжээтэй, дээр нь цэвэрхэн байвал цахилгааныг 70 хувь хүртэл хэмнэнэ гэсэн судалгаа гарчээ.

 3.Богино долгионы зуух: Энэ зуух уламжлалт цахилгаан зуухаас 60 хувь бага цахилгаан зарцуулдаг байна.

 4.Хөргөгч: Ам бүлийн хэрэгцээндээ таарсан, тасалгаа бүртээ температурын тохируулагчтай хөргөгч сонгохыг зөвлөе. Тухайлбал, хүнс хадгалалтын хэсэгт градусыг нь +3 хэм, хөлдөөх тасалгаанд -18 хэм дээр тааруулах хэрэгтэй. Хөргөгчийг цахилгаан зуух, ус буцалгагчтай ойр байлгах нь тог их идэх шалтгаан болдог байна. Мөн хөргөгчийг 30-50°С хэмтэй бүгчим халуун өрөөнд байлгах нь энгийн үеэс хоёр дахин их эрчим хүч зарцуулахад хүргэдэг аж. Ийм нөхцөлд хөргөгч нь жилд 160 кг, хөлдөөгч 320 кг нүүрс хүчлийн хий ялгаруулдаг гэнэ.

 5.Мэдээлэл холбооны хэрэгслүүд: Зурагт, хөгжим, радио, компьютер зэрэг нь харьцангуй бага чадалтай ч удаан хугацаагаар ашиглагддаг тул унтраасан даруйд цахилгааны тэжээлээс залгуураар нь салгаж байвал тогонд хэмнэлттэй. Жишээ нь зурагтыг, 21 цагийн турш "standby” буюу улаан гэрэлтэй байлгах нь гурван цаг асаалттай байлгасны 40 хувьтай тэнцэхүйц эрчим хүч зарцуулдаг байна.

 Энэ бүхнээс гадна цахилгаан хэрэглээгээ тарифт электрон тоолуураар тооцуулбал зардлаа тодорхой хувиар бууруулах боломжтой. Тарифт электрон тоолуур цахилгааны хөнгөлөлт үзүүлдэг цагуудыг ч нарийн гаргаж ирдэг бол механик буюу хар тоолуур нь нэг кВт цаг цахилгааныг өдөр, шөнийн аль ч цагт ижил тарифаар буюу хөнгөлөлтгүй үнээр тооцдог юм. 

Тарифт электрон тоолуурыг найман жил тутамд нэг удаа 8470 төгрfгөөр баталгаажуулдаг бол хар тоолуурын баталгаат хугацаа гурван жил, баталгаажуулалт нь 4510 тfгрөг байдаг. Хар тоолуурыг 13530 төгрөгөөр гурван удаа баталгаажуулах хугацаанд электрон тоолуурыг нэг л удаа 8470 төгрөгөөр баталгаажуулна гэсэн үг.

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ