Улс төрийн өлсгөлөн үргэлжилж байна

иаөөби.jpg Улс төрийн өлсгөлөн үргэлжилж байна

 

Учир нь 2016 оны орон нутгийн сонгуулиар Нийслэлийн Баянзүрх дүүргийн ИТХ-д АН 22 суудал авсан бол МАН-аас нэр дэвшигчид 19 суудал авсан. Ингээд хуулиараа ИТХ-даа олонх болсон нам засаг даргаа томилох учиртай. Гэтэл өнгөрсөн пүрэв гаригт Нийслэлийн засаг дарга бөгөөд Улаанбаатар хотын захирагч С.Батболд Баянзүрх дүүргийн засаг даргаар МАН-ын Э.Бат-Амгаланг томилох захирамж гаргасан билээ. Тус захирамжийг дүүргийн ИТХ-ын төлөөлөгчдийн олонхийн бүрэлдэхүүн хүлээн зөвшөөрөхгүй байгаагаа илэрхийлж, өчигдрөөс ийн ЗДТГ-ын байрандаа суулт зарлаад байсан юм.

Харин энэ долоо баасан гаригийн оройноос эхлэн Баянзүрх дүүргийн нэр бүхий иргэд Улаанбаатар хотын захирагч С.Батболдын шийдвэрийг эсэргүйцэж “Улс төрийн өлсгөлөн” зарлаж эхлээд хоёр хонож байна. Өчигдөр орой өлсгөлөн зарлаж буй иргэдийн нэгний нь бие муудаж, эмнэлэгт хүргэгдсэн гэсэн мэдээлэл байна.

Мөн одоо хирнэ цагдаагийн албан хаагчид тус дүүргийн засаг даргын байр руу хэнийг ч нэвтрүүлэхгүй байгаа юм. Харин маргааш ажлын өдөр, төрийн үйлчилгээ иргэдэд хүрэх учиртай ч энэ чигээрээ төрийн албан хаагчдыг тус байр руу нэвтрүүлэхгүй байвал төрийн үйлчилгээ тус дүүрэг дээр зогсох төлөвтэй байна.

Ц.Болд

Зураг: Өчигдөр оройн 22 цагийн байдлаар

Мэдээ таалагдсан бол лайк дарна уу:

СЭТГЭГДЭЛ (1)

by 2017-03-05

МАН-ынхан хүчирхийлчихлээ гээд бардаад байх шиг байна үгүй үнэн ялдаг жамтай

ШИНЭ МЭДЭЭ