Э.Богут дахин нэг аваргын бөгж зүүхээр Клевлэнд хотод ирлээ

e110a27bd6579880fcd19173fa9a7d56.png Э.Богут дахин нэг аваргын бөгж зүүхээр Клевлэнд хотод ирлээ

Австралийн шигшээ багийн төвийн тоглогч Э.Богут анх 2005 оны драфтыг тэргүүлэн NBA-д орж ирсэн. Түүнээс хойш “Милуоки Бакс”, “Голден Стэйт Уорерз”, “Даллас Маверикс” багуудад тоглож байгаад энэ улирлын дундуурах солилцоо наймааны цонхоор “Клевлэнд Кавалейрс”-т ирлээ.

Тэрээр үндэсний лигт тоглох хугацаандаа 2014-2015 оны улирлын аварга, бүх NBA-ийн гуравдугаар багт нэг, хамгаалалтын хоёрдугаар багт нэг удаа нэрлэгдсэн.

Мөн Австралийн шигшээ багийн хамтаар 2015 оны Далайн орнуудын аварга шалгаруулах тэмцээний алтан медаль хүртсэн. 2016 оны Риогийн зуны Олимпийн наадамд шилдэг 12 орны шигшээ тоглоход Австрали тун сайн байсан ч эцсийн мөчид Испанид 89:88-аар буюу нэг онооны зөрүүтэй хожигдож, шагналт дөрөвдүгээр байр эзэлсэн.

Э.Богут хэсгийн тоглолтын үеэр багийн андууддаа “Бид Олимпод мөнгөн медаль хүртэх гэж ирээгүй” хэмээн хэлж байсан. Ингээд хэсэгтээ Францыг 87:66, Сербыг 95:80, БНХАУ-ыг 93:68, Венесуэлийг 81:56-гаар хожиж, АНУ-д 98:88-аар ганцхан удаа хожигдсон. Улмаар хэсгээсээ хоёроор гарч, шөвгийн наймд Олимпийн гурав, дэлхийн аваргын нэг хүрэл медальт хүчирхэг Литвийг 90:64-өөр хожсон ч хагас шигшээд Сербид 87:61-ээр, хүрэл медалийн төлөөх тулаанд Испанид 89:88-аар ялагдсан юм.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ