Хотын Соёлыг Залуучууд Бид Өөрсдөөсөө...

1235646163EGRGRFG.jpg Хотын Соёлыг Залуучууд Бид Өөрсдөөсөө...

  Сүүлийн үед Залуучууд хотын Соёлын талаар ярих болсон. Тэгвэл залуучуудын хувьд хотын соёл гэж юу вэ? Энэ талаар хотын гудамжаар алхаж буй залуучуудаас тодруулга авснаа та бүхэндээ хүргэж байна.

Таны хувьд хотын соёл гэж юу вэ?

- Оюутан А хэлэхдээ: Хотын соёл гэдэг бол олон нийтийн  газар биеэ зөв авч явахаас эхлээд автобусанд ахмад хүнд сандал тавьж өгөх хүний ёс суртахуунаас эхлэнэ. Нийслэл хотдоо цэвэр цэмцгэр байх гэдгийг ойлгоогүй хүмүүс байдаг. Харахад ухамсартай хэрнээ ухамсаргүй залуучууд маш их байна. Наад зах нь хүний урд явж байхдаа нусаа нийж, шүлсээ хаяж байна. Энэ бол хотын соёл гэх зүйлээ ухамсарлаагүй байгаагийн тод жишээ юм.

- Арван жилийн охидуудын хувьд: Хотын гудамж болон олон нийтийн газар биеэ цэвэрхэн авч явах гэж боддог. Одоогийн залуучууд их ухамсартай болсон юм шиг харагддаг. Хотын соёлыг ухамсарлаж байна. Ерөнхийдөө соёлгүй хүмүүс цөөхөн байдаг байхаа. Өмнө нь хогийн сав байхгүй байна гэж ярьж бухимддаг байсан. Тэгвэл одоо хаа сайгүй хогийн сав байна. Халаасанд хийсэн хогоо гудамжинд хаях уу? Эсвэл хогийн саванд хийх үү? гэдэг нь ухамсартай холбоотой болчихсон. Бид “Хог” гэх зүйлдээ ач холбогдол өгөхгүй ажил амьдрал нийгэмдээ л санаа зовиноод байдаг. Гэхдээ яг үнэндээ бидний бухимдлын шалтгаан хог байж ч болно гэдгийг анзаардаггүй.

Тэгвэл өөрийн тань бодлоор хотын соёлд хэрхэн суралцах ёстой юм вэ?

- Оюутан А хэлэхдээ: Хувь хүн бүр өөрийн дотоод ухамсар, сэтгэлгээгээ анзаарах хэрэгтэй. Хотын соёл гэдэг ганцхан хүний зөв үйлдлээс хамаараад салбарлаж явдаг юм шиг санагддаг.

- Арван жилийн охидуудын хувьд: Ганцаараа явж байхдаа хэн ч анзаарахгүй учраас гээд хогоо хаячихдаг. Зарим үед бусдад сайхан харагдахын тулд хогоо хогийн саванд хийж ухамсартай хүний дүр үзүүлдэг. Тэгвэл  “Уучлаарай” энэ бол хотдоо хэрхэн худал хандаж буйгийн нэг жишээ. Хаана ч хэнтэй ч явсан хотын соёлоо ухамсарлаж цэвэрхэн байх хэрэгтэй.

Нууц биш бол өөрөө гудамжинд явж байхдаа шүлсээ хаясан тохиолдол бий юу?

- Оюутан А: Шаардлагатай хэцүү үед бол үнэхээр хаяхаас өөр арга байдаггүй. Хүний нүд хариулж байгаад л хаячихдаг юм. Хувь хүний эрхийн асуудал хэдий ч санаа зовдог. /Инээв/

-Арван жилийн охидуудын хувьд: Найзуудтайгаа явж байхад зарим нэг нь хогоо хаядаг тохиолдол байдаг. Гэхдээ бид найз гэх шалтгаан, харилцаанаас болж “хогоо битгий хая” гэж хэлж чаддаггүй. Тийм учраас найз ч гэсэн бие биедээ шаардлага тавих хэмжээний үзэл бодлоо зоригтой илэрхийлж чаддаг байх хэрэгтэй.

Таны хувьд энэ асуудлыг яаж шийдвэрлэх хэрэгтэй вэ?

- Оюутан А: Мэдэхгүй юмаа. Энэ бол хувь хүний ухамсарын асуудал учраас нийгмийн байдлаас л хамаардаг байхдаа. Эсвэл нус, шүлсээ хаядаг нэгдсэн нэг газартай болвол амар юм шиг санагддаг. Залуучууд маань хотын соёлоо ухамсарлах хэрэгтэй гэж л бодож байна даа.

  • Арван жилийн охидуудын хувьд: Хотын соёл гэх зүйлийг хүн бүр ухамсарлаад ирвэл бүр цэвэрхэн болох байхаа. Ерөнхийдөө одоо хүмүүсийн хандлага харьцангуй гайгүй болсон юм шиг санагддаг. Бидний үеийн хүүхдүүдийн ухамсар янз бүр байдаг. Муу зуршилтай хүүхдүүд цөөнгүй. Тиймээс өөрсдөө сайн үлгэр дуурайлал үзүүлж нөлөөлөхыг хичээдэг.

Баярлалаа

-За амжилт хүсье.

Сурвалжилсан: Н.Мичидмаа, Б.Баянжаргал

Мэдээ таалагдсан бол лайк дарна уу:

СЭТГЭГДЭЛ (1)

by 2017-02-11

ter negdsen neg gazartai boloh gdg ni yun zawaan ymbee kkk

ШИНЭ МЭДЭЭ