Парисын “Их дуулга” өнөөдөр эхэлнэ

xzv_wdfwe3.jpg Парисын “Их дуулга” өнөөдөр эхэлнэ

Олон улсын жүдо бөхийн холбооны календарчилсан төлөвлөгөөнд багтсан энэ оны хамгийн анхны томоохон тэмцээн болох Парисын “Их дуулга” өнөөдөр эхэлнэ. Энэ удаагийн энэ удаагийн “Их дуулга” тэмцээнд дэлхийн 61 орны эрэгтэй 259, эмэгтэй 153, нийт 412 тамирчин оролцохоор эцсийн байдлаар мэдүүлгээ өгсөн юм байна. Харин манай улсаас эрэгтэй 8, эмэгтэй 6, нийт 14 тамирчин барилдахаар болжээ. Уг нь эхлээд 19 бөх мэдүүлгээ өгсөн ч сүүлдээ 13 болгож өөрчлөгдсөн. Харин өнөөдрийн хувьд 14 бөх барилдахаар болоод байна.

Өнөөдөр Парисын “Их дуулга” тэмцээний хэсгийн барилдаанууд Улаанбаатарын цагаар 16:30-аас эхэлнэ. Эрэгтэй 60, 66, 73, эмэгтэй 48, 52, 57, 63 кг-ын барилдаанууд болох юм. Харин медалийн төлөөх барилдаанууд шөнийн 00:00 цагаас эхлэх бөгөөд SPS телевиз шууд дамжуулах юм.

Эрэгтэйчүүдийн 60 кг-д Ж.Амарболд, Б.Амартүвшин гэсэн хоёр залуу тамирчин зодоглож байна. Энэ жил улсын аварга болсон Ж.Амарболд В хэсэгт багтаж, эхний тойрогтоо хийлж, хоёрдугаар тойрогт Бразилын бөх Эрик Такабатакетай барилдахаар оноолт таарлаа. Харин Б.Амартүвшин С хэсэгт багтаж, мөн эхний тойрогтоо хийлсэн бөгөөд хоёрдугаар тойрогт Аргентины Николас Гомезтай барилдах юм. Хэрвээ түүнийг ялбал гуравдугаар шатанд Францийн Лимар Винсенттэй тулах магадлал өндөр байна.

66 кг-ын жинд Б.Эрхэмбаяр, Г.Хэрлэн нар зодоглоно. Улсын аварга болсон Г.Хэрлэнгийн хувьд D хэсэгт багтаж, эхний тойрогтоо хийлсэн. Харин хоёрдугаар тойрогт Узбекстаны бөх Абдужалил Юсуповтай барилдахаар оноолт таарлаа. Харин Б.Эрхэмбаярын хувьд В хэсэгт багтаж, эхний тойрогтоо Францийн Матиас Боучертай оноолт таарав.

73 кг-д зодоглож буй Н.Хадбаатар D хэсэгт багтаж, эхний тойрогтоо хийлсэн бөгөөд хоёрдугаар тойрогт Гүржийн алдарт бөх Лаша Шавдатвашвилитэй учраа таараад байна.

Эмэгтэйчүүдийн хувьд, 48 кг-д М.Уранцэцэг гавьяат ганцаараа барилдаж байгаа бөгөөд А хэсгийг толгойлж, эхний тойрогтоо хийлээ. Хоёрдугаар тойрогт Солонгос, Аргентины бөхчүүдийн ялсантай нь барилдана. 52-т Л.Сосорбарам зодоглож байгаа. Манай бөх С хэсэгт багтаж, эхний тойрогтоо Солонгосын Ха Жу Хитэй оноолт таараад байна. 57 кг-д манайхаас бөх явсангүй.

63-д бол Б.Ганхайч, Б.Мөнгөнчимэг нар барилдана. Б.Ганхайч А хэсэгт багтаж, эхний тойрогтоо Румыны Стифани Адилинатай барилдахаар оноолт таарлаа. Б.Мөнгөнчимэгийн хувьд С хэсэгт багтаж, эхний тойрогтоо Солонгосын Хан Хи Жутай барилдахаар оноолт таарсан байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ