“Түлэгдэлт” аюулын харанга дэлдэж байна

16650394_1198694166920170_1051956810_n.jpg “Түлэгдэлт” аюулын харанга дэлдэж байна

Сүүлийн хэдэн жилийн хугацаанд эцэг эхийн анхаарал болгоомжгүй, хараа хяналт сул байгаагаас үүдэн бага насны хүүхдүүд түлэгдэх нь ихэссэн. Үүнээс улбаалж бага насны хүүхдүүдийн ирээдүйд аюул занал учруулж байна. Түлэгдэлтын сорви арилдаггүй бөгөөд ирээдүйд сэтгэл зүй, бие бялдарын хувьд нийгэмд өөрийгөө илэрхийлэх байдал нь муу байдаг гэдгийг судалгаагаар баталсан байдаг.

Мэргэжлийн эмч нарын үзэж байгаагаар эцэг эхчүүд хүүхдээ түлэгдсэн тохиолдолд анхны тусламжийг буруу үзүүлснээс өвчнийг улам хүндрүүлдэг гэнэ. Тэд түлэгдсэн даруйд дур мэдэн давс, сахар гэхчилэн гарын доорх зүйл түрхдэг. Энэ нь улам цааш хүндрэл үүсэх нөхцөл болдог гэдгийг анхааруулдаг байна. Гэвч төдийлөн энэхүү мэдээлэл эцэг эхчүүдэд хангалттай хүрдэггүй бололтой. Сахар болон давс нь түлэгдэлийг илүү шархлуулахаас гадна сорви үлдээх эхлэлийг тавьдаг байна. Анхны тусламжийг зөв авснаар хүүхдийн амь нас, ирээдүйд үүсч болох нөхцөл байдлуудаас урьдчилан сэргийлэх бүрэн боломжтой.

Иймд анхан шатны тусламжийг эмчийн зааврын дагуу үзүүлэх хэрэгтэй. Их төлөв 2-4 насныхан халуун тогоонд түлэгдэж, тэдний 1-2 хувь нь нас бардаг байна. Гэмтэл согог судлалын үндэсний төвөөс гаргасан тоо баримтаар 5 хүртэлх насны хүүхдийн нас баралт нийт нас баралтын 14.4 хувийг эзэлж байгаа бөгөөд түүний 76.5 хувь нь түлэгдсэн шалтгаанаар нас барсан байдаг. Түлэгдсэн шалтгаанаар нас барсан хүүхдийн 77 хувь нь халуун хоол цайнд, 23 хувь халуун усанд түлэгдсэн ба дийлэнх хувь нь биеийн олон хэсгийн 3 дугаар зэргийн түлэгдэлттэй аж. Сурагчдын амралтын үед түлэгдэлт ихэсдэг нь эцэг эхчүүдийн хүүхэддээ тавих анхаарал сул байгааг илтгэж байна. Түлэгдэж буй хүүхдүүдийн ихэнхи хувь нь халуун тогоонд түлэгддэг бөгөөд халуун тогоог хүүхдээс хол байлгаж, гар хүрэхээргүй газар байрлуулах хэрэгтэй байна.

Н.Мичидмаа

 

 

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ