Монгол Улсын 300 гаруй сум суурин газраас ХАА түүхий эд, барааг тээвэрлэх боломж бүрдлээ

444444rgaregrgg.jpg Монгол Улсын 300 гаруй сум суурин газраас ХАА түүхий эд, барааг тээвэрлэх боломж бүрдлээ

Өнөөдөр /2017.02.10/ Монгол Улсын өргөн уудам газар нутаг, дэд бүтцийн хөгжил тэр дундаа авто зам, ачаа тээврийн асуудал нь Хөдөө аж ахуйн биржийн үйл ажиллагаанд шууд нөлөө үзүүлдэг талаар “Хөдөө аж ахуйн бирж” ХХК-гийн гүйцэтгэх захирал Х.Баатар “Монгол Тээвэр нэгдэл” ХХК-гийн төлөөлөн Удирдах Зөвлөлийн дарга С.Ганболд нар төлөөлж, хамтран шийдвэрлэхээр Хамтын ажиллагааны гэрээ байгуулахаар гарын үсэг зурлаа.

” Хөдөө аж ахуйн бирж”-ийн гүйцэтгэх захирал Х.Баатар хэлэхдээ Манай хоёр компанийн арилжаалагдсан бараа, түүхий эдийг итгэмжлэгдсэн агуулахад хүргэх, хадгалахаас гадна дотоодын болон экспортын ачаа тээвэрлэлтийг иж бүрэн даатгалтай тээврийн хэрэгслээр, маршрутын дагуу түргэн шуурхай, найдвартай зохион байгуулах юм.

Энэхүү гэрээний үр дүнд Монгол Улсын 300 гаруй сум, суурин газруудаас түүхий эдийг тээвэрлэх ажил хийгдэх юм. Хөдөө аж ахуйн биржийн үйл ажиллагаа түүхий эд бэлтгэлийн анхан шат буюу малчид, тариаланчид, хөдөө аж ахуйн хоршоо компанид хүрэнх боломж нээгдэж байгаа юм. Үүнээс гадна нэгдсэн тээврийн сүлжээг түүхий эдийн зах зээлд нэвтрүүлснээр түүхий эдийн тээвэрлэлтйн зардал буурах, тээвэрлэлтийн явцад гарах аливаа эрсдэл үгүй болох, түүхий эдийн нийлүүлэлүт түргэн шуурхай болох зэрэг эерэг үр дүн гарах юм байна.

  • Хөдөө аж ахуйн биржийн Олон улсын стандарт, шаардалгад нийцсэн итгэмжлэгдсэн агуулах, тээврийн найдвартай, даатгагдсан, түргэн шуурхайнэгдсэн сүлжээ Монгол Улсын нийт аймаг, хотуудад бий болно.
  • Хөдөө аж ахуйн биржээр арилцаалж байгаа бараа, түүхий эдийг малчдын гараас эцсийн худалдан авагч хүртэл хүргэх нэгдсэн тогтолцоо бий болно.
  • Тээврийн найдвартай, даатгагдсан, түргэн шуурхай нэгдсэн сүлжээ бий болсноор бараа, түүхий эдийн тээвэрлэлтийн зардлыг бууруулах боломж бүрдэнэ.
  • Малчид өөрсдийн байгуулсан хоршоогоороо дамжуулан ХААБ-ийн арилжаанд аймаг орон нутгаас оролцох боломж бүрдэж, зах зээлийн бодит үнээр бараа, түүхий эдээ борлуулж орлогоо нэмэгдүүлнэ.
  • Малчдын орлого нэмэгдсэнээр орон нутгийн худалдан авалт сайжирч, дотоодын өргөн хэрэглээний хүнсний бараа бүтээгдэхүүний нийлүүлэлтйг нэмэгдүүлэх хөшүүрэг бий болно.

    Монгол Улсын Их Хурлаас 2011 оны зургадугаар сарын хоёрны өдөр Хөдөө аж ахуйн гаралтай бараа, түүхий эдийг эдийн засгийн харилцаанд оруулах нэгдсэн тогтолцоог бий болгох зорилгоор “Хөдөө аж ахуйн гаралтай бараа, түүхий эдийн бирж”-ийн тухай хуулийг баталснаар МУ-д анх удаа энэ салбарын бараа, түүхий эдийн зах зээлийн харилцааг биржийн тогтолцоогоор зохицуулах боломж нээгдлээ. МУ-ын Засгийн Газрын 2013 оны 30 дугаар тогтоол, Төрийн өмчийн хорооны мөноны 45 дугаар тоот тогтоолоор “Хөдөө аж ахуйн гаралтай бараа, түүхий эдийн биржийн тухай” хуулийг хэрэгжүүлэх зорилгоор “Хөдөө аж ахуйн бирж байгуулагдсан байна. Мөн Малчид Хоршоогоороо дамжуулан ноолуураа арилжаалах боломжтой юм гэв.

Сурвалжилсан: Н.Мичидмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ