А.ЦОГЦЭЦЭГ сайд Архангай аймгийн Эрүүл мэндийн төвийн дарга мэт авирлаж байна

12345eodrghrojvrirg.jpg А.ЦОГЦЭЦЭГ сайд Архангай аймгийн Эрүүл мэндийн төвийн дарга мэт авирлаж байна

Өнөөдөр /2017.02.07/ Оном сан, Өвчтөн нийгмийн төлөөллийн зөвлөл ТББ хамтран АНУ-ын “Гилеад сайнс” компанийн буцалтгүй тусламжаар нийлүүлж буй “Харвони” эмийг элгэний C  вирусээр өвчилсөн хөгжлийн бэрхшээлтэй болон амжиргааны түвшин доогуур, орлого багатай иргэдэд олгохыг шаардаж хэвлэлийн хурал хийлээ.

Хандиваар орж ирсэн “Харвони ” эмийг Эрүүл мэндийн сайд А.Цогцэцэг албан тушаалаа урвуулан ашиглаж зөвхөн өөрийн төрсөн нутаг болох Архангай аймагт хуваарилах хууль бус шийдвэр шийдвэр гаргасныг эсэргүүцэж байгаа юм.

Оном сангийн тэргүүн Д.Наранбаатар хэлэхдээ А.Цогцэцэг сайд Монголын эрүүл мэндийн сайд уу? Архангай аймгийн Эрүүл мэндийн төвийн дарга уу? жалга довийн үзлээрээ хандаж олон өвчтөнг хохироож байна. 6000 буюу 2000 хүний хайрцаг эм ирснийг бүгдийг нь 45-аас дээш насныханг эмчилнэ гэж Архангай аймаг руу явуулсан. Гэвч Архангай аймагт элэгний “C” вирусын тархалт хамгийн бага байна. Албан тушаалаа ашиглан ийм зүйл хийж байгаад маш их харамсаж байна. Гэвч Цогцэцэг сайд ийм байдлаар асуудал шийдвэрлээд байна. Бид Архангайн Монгол, Говь-Алтайн Монгол гэж ярьдаггүйтэй адил аймаг сум, нутаг нугаар нь бүү ялгаварлаасай гэж хүсэж байна.

2015 онд ЭМЯ-наас гаргасан албан ёсны судалгаанаас үзэхэд элэгний хавдрын шалтгаант нас баралт, Сүхбаатар, Дундговь, Дорнод, Увс аймагт хамгийн өндөр байгаа бөгөөд элэгний хавдрын өвчлөлөөр Архангай аймаг хамгийн бага үзүүлэлттэй байгаа юм. Гэтэл нийт Монголчуудын эрх ашиг эрүүл мэндийн төлөө бодлого хэрэгжүүлж , шийдвэр гаргах ёстой. Эрүүл Мэндийн сайд А.Цогцэцэг Архангай аймгийн дарга болсон мэт авирлаж, ашиг сонирхолын зөрчилтэй шийдвэр гаргасан.

Энэ асуудалд Ерөнхий сайд, Засгийн газар онцгой анхаарал хандуулж “Элэг бүтэн Монгол ”хөтөлбөрийг эхнээсээ гажуудалгүй хэрэгжүүлэх бодлого баримтлана гэж итгэж байна гэсэн юм.

Өвчтөн нийгмийн төлөөллийн зөвлөлийн гүйцэтгэх захирал, доктор Д.Энхтүвшин хэлэхдээ бид Архангай аймагийханг ямар нэгэн байдлаар ялгаварлан гадуурхах буруу санаа агуулаагүй. Сайдын гаргаж буй буруу шийдвэрээс болж олон мянган хүн хохирч үлдэх вий гэх үүднээс энэ асуудлаар  хэлэлцэж байгаа юм. Мөн элэгний “C” вирустэй хүмүүс энд ирээд зогсож байна. Монгол улсын Иргэн хүнийг нутаг нугаар нь ялгаварлаж элэгний “C” вирусийн тархалтыг намжаахгүй байгаад харамсаж байна гэв.

А.Цогцэцэг сайдын энэхүү шийдвэр нь Элэгний “C” вирустэй өвчтөнгүүдын эрх ашгийг хохироож байна.  Гаргасан шийдвэрээ эргэн харж ганцхан аймаг руу бус Монгол улсынхаа иргэдийн Эрүүл мэндийнн сайд гэх нүдээр ард иргэдээ харах хэрэгтэй байна. А.Цогцэцэг сайдаа!

Н.Мичидмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/4798cdfc55d9b909ad3a56b0d35984d1.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29