“Jankhai film”-ийн “Дурсамж”-нд тавтай морил

16422234_1276236412421967_5801380611056496177_o.jpg “Jankhai film”-ийн “Дурсамж”-нд тавтай морил

Нэгэн үе нийтийн дуучдын бүх клипийг дүржүүлэн мөнхлөх ажлыг “Jankhai film” хэмээх студи хийж байсан гэхэд хилсдэхгүй. МУГЖ С.Жавхлангийн “Сэргэлэн жаахан дүү”, МУГЖ Л.Болдбаатарын “Хүрээ байшин”, “Хар нүдэн бүсгүй” гээд олон сайхан дууны клипыг бүтээсэн байдаг. Харин энэ сарын 11-ний 19:00 цагаас Монгол бөхийн өргөөнд “Дурсамж” нэртэй тоглолтоо хийхээр болжээ.

“Jankhai film” студийн захирал Ж.Даваадамдин тус студийнхээ үйл ажиллагааг ерөнхийд нь зогсоож байгаа учраас тоглолтондоо ийм нэр өгсөн гэнэ. Тус тоглолтод МУГЖ Л.Болдбаатар, Ч.Амаржаргал, СТА Л.Чулуунбаатар, О.Баянмөнх тэргүүтэй дуучид оролцож, Ж.Даваадамдингийн өөрөө шүлгийг нь бичсэн олон сайхан дуу дуулах бөгөөд мөн олон клипийн дурсамжийг хүүрнэсэн тоглолт болох ажээ.

Дашрамд сонирхуулахад С.Жавхлангийн анхны клипүүдийн нгэ “Сэргэлэн жаахан дүү” дууны клипэнд тоглосон н.Мандах хэмээх залуу үүнийхээ дараагаар СУИС-д суралцаж жүжигчин болсон байна. Мөн олон хүний эргэлздэг Л.Болдбаатарын “Хүрээ байшин”, “Хилийн заставын хар нүдэн бүсгүй” клипны гол дүрийн эмэгтэй нэг хүн ажээ. Энэ мэтчилэн олон сайхан клипийн үүх түүхийг сонсож, хүндэлдэг дуучдынхаа дуугаар сонороо мялаасан нэгэн үдшийг “Jankhai film”-ийн “Дурсамж” тоглолттой өнгөрүүлээрэй.  

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ