2018 онд утаагүй нийслэл...

16358376_1183174841805436_1548909691_n.jpg 2018 онд утаагүй нийслэл...

Өвөл цаг ирэхээр бид гэнэт утааны тухай бодож утаанаас болж стрессдэж бухимддаг үе ард хоцрох нь бололтой. Гэхдээ бид өөрсдөө хичээж чадвал!
Дэлхийн улс орнууд 1900 оноос эхлээд агаарын бохирдлоо шийдээд ирсэн арга барил, технологи байна. Нүүдэлчин Монголчууд суурин амьдралд хожуу шилжсэн учраас дэлхийн технологиос суралцах хангалттай цаг хугацаа өнгөрчээ. Дэлхийн улс орнууд сэргээгдэх эрчим хүч рүү шилжиж байна. Тэр тусмаа нарны эрчим хүч рүү. Нарны эрчим хүч гэхээр өнөөх л нэг малчид зурагт үздэг, 60 лампын чийдэн асаадаг дэлгэцээр төсөөлж болохгүй юм.

Үүний нэгэн бодит жишээ бол Австрали улс юм. Сэргээгдэх эрчим хүчээр цахилгааны бүх хэрэглээгээ шийдээд явж байна. Монголчууд жил бүрийн хавар мод тарьдагтай дөрвөн уулынхаа энгэрт “Панель” тавихад л агаарын бохирдлоос салах бүрэн боломжтой.


“Панель” буюу дэлгэц Турк улсаас оруулж ирдэг төмөр пийшэн шиг зардал ихтэй үнэтэй зүйл биш юм. Энэ ажилд аж ахуйн нэгжүүд тэр тусмаа агаарын орон зайд бизнес хийдэг үүрэн телефоны оператор “Mobicom”, “G mobile”, “Skytel”, “Unitel” корпорациуд “Панель” тарих хөдөлгөөнд идэвхитэй оролцох хэрэгтэй байна.


Мод ургуулах, “Панель” тарих нь тусдаа асуудал мэт харагдавч агаарын бохирдлыг бууруулах гэсэн утга санаа, зорилго нэг. Монго улсын нэгж хэсэг болсон иргэддээ хандаж уриалахад“Панель” тарих хөдөлгөөнд нэгдэцгээе. Бид төр засаг руу буруугаа тохож суух биш өөрсдийнхөө санаа санаачилга, боломж бололцоогоороо утаа гэх толгойны өвчнөөс ангижирах цаг нэгэнт иржээ.

Эх сурвалж: Аrdchilal.mn

Н.Мичидмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ